Monumento a Jan Hus
Coordenadas: 50°5′16″N 14°25′16″L / 50.08778, -14.42111
O Monumento a Jan Hus (en checo: Pomník mistra Jana Husa) atópase no centro da praza da Cidade Vella de Praga. A colocación da primeira pedra tivo lugar en 1903 e foi inaugurado, aínda que non oficialmente, o 6 de xullo de 1915 con ocasión do quinto centenario da morte na fogueira do reformador.
Hus mira de pé a igrexa da nosa Señora de Týn, principal templo husita entre 1419 e 1421. Rodéano, por unha banda, guerreiros husitas e, polo outro, unha serie de figuras que representan ó pobo checo obrigado a abandonar o país en 1620 trala derrota dos protestantes na batalla da Montaña Branca.
As inscricións, tomadas algunhas de textos do propio Hus, foron engadidas trala fundación en 1918 da República de Checoslovaquia.[1][2]
Antecedentes[editar | editar a fonte]
En 1892, convocouse un concurso para a realización dun primeiro monumento a Jan Hus en Praga. O proxecto gañador, obra do escultor checo Vilém Amort, nunca chegou a realizarse.
Notas[editar | editar a fonte]
Véxase tamén[editar | editar a fonte]
 |
Wikimedia Commons ten máis contidos multimedia na categoría: Monumento a Jan Hus  |
Bibliografía[editar | editar a fonte]
- Sharon L. Wolchick, "Czechoslovakia,” in Eastern Europe: Politics, Culture, and Society since 1939, ed. Sabrina P. Ramet (Bloomington: Indiana University Press, 1998).
- Constructing Nationalities in East Central Europe, eds. Pieter M. Judson and Marsha L. Rozenblit (Nova York: Berghahn Books, 2005).
