Monte Triglav

Monte Triglav
Tipo	montaña; punto máis alto
Epónimo	Triglav
Localizado na área protexida	Parque Nacional de Triglav
Localización
División administrativa	Kranjska Gora, Eslovenia, Bovec, Eslovenia (pt) e Občina Bohinj, Eslovenia
	46°22′42″N 13°50′12″L / 46.378333, 13.836667
Cordilleira	Triglav Group (en)
Características
Altitude	2.864 m
Prominencia topográfica	2.059 m
Illamento topográfico	72,5 km
Material ou ingrediente	calcaria
Historia
Período	Triásico
Cronoloxía
26 de agosto de 1778	primeira ascensión

O monte Triglav ou Terglou (en alemán Dreikopf, en italiano Monte Tricorno) é con 2 864 msnm o cume máis alto dos Alpes Xulianos e de Eslovenia. O Triglav é un dos símbolos nacionais de Eslovenia, formando parte dos motivos centrais do escudo do país, e que se reproduce na bandeira. Segundo un antigo costume, cada esloveno debe subir polo menos unha vez na súa vida ao Triglav.

Xeografía

Sitúase no medio do denominado Parque Nacional de Triglav, o único parque nacional esloveno, que se estende por 84 800 ha, no extremo noroeste do país e non demasiado lonxe das fronteiras con Austria e Italia. Co seu típico perfil é inconfundíbel desde unha distancia duns 100 km. A súa parede norte sobre o val de Vratatal é impoñente pola súa anchura de 3 km e a altura de 1 500 m, o que a converten nunha das paredes máis elevadas dos Alpes orientais, xunto coas do Watzmann (cara leste) e do Hochstade (cara norte).

Hidrografía

Aos seus pés nacen dúas importantes correntes fluviais: o río Sava, que é un afluente do Danubio; e o Soča (italiano Isonzo), que, por contra, flúe cara ao mar Adriático.

No suroeste da montaña, hai tamén unha zona con sete lagoas, de orixe cárstica, denominada o Val dos lagos do Triglav (en esloveno Dolina Triglavskih jezer).

O vigoroso relevo de paredes verticais do Triglav, como o doutros picos dos Alpes Xulianos, débese, en parte, aos materiais xeolóxicos de que están constituídos, que son maioritariamente calcarias e dolomitas.

Orixe do nome

O nome significa "tres cabezas" ou "tricéfalo". Triglav era tamén o nome dunha antiga divindade eslava, precisamente tricéfala, e así se representaba.