Miguel

	Instancia de nome propio masculino
	Epónimo arcanxo Miguel

Miguel
	Nome orixinal Miguel (mul)
	Nome orixinal Miguel (mul)
	Instancia de nome propio masculino
	Epónimo arcanxo Miguel
Características
	Lingua lingua castelá ; lingua galega ; lingua portuguesa ; lingua aragonesa
	Alfabeto alfabeto latino
Fontes e ligazóns
	Wikidata C:Commons

Este artigo amosa escritos hebraicos. Sen o soporte axeitado, o texto pode mostrar símbolos sen sentido, coma caixas, marcas e outros.

Miguel^[1]^[2] é un nome propio masculino galego. Esta forma escrita tamén é común co portugués, co castelán e co aragonés. A súa orixe é o hebreo מיכאל (mi-ka-el), que significa ‘Quen coma Deus?’, formado por mi ‘quen’, ka ‘como’ e o elemento divino El ‘Deus’, (referíndose a Elohim, proveniente á súa vez do deus ugarítico El). O nome úsase tanto na relixión hebraica, coma na cristiá (católica, anglicana e ortodoxa) e no islam.

En xaneiro de 2023 existían 12.381 varóns en Galicia co nome Miguel, cunha media de idade de 38,7 anos.^[3]

Uso do nome

É o nome do arcanxo Miguel, polo que adoita aparecer na forma Miguel Anxo. Este arcanxo é para os hebreos o primeiro dos anxos, sendo o arcanxo por excelencia por mor da súa vitoria fronte aos anxos rebeldes.

O apelido patronímico en Galiza deu a forma Míguez ou Migues (en Castela deu porén Miguélez).

O nome Miguel é e foi popular en Galicia, multitude de parroquias teñen a Miguel Arcanxo como patrón (véxase: Parroquias de Galicia baixo a advocación de San Miguel).

En Galicia, aparece nos rexistros do século XV coas formas: Miguel, Migeel ou Miguell.

Míguez ou Migues é o apelido patronímico galego do nome Miguel. En castelán deu Miguélez. Practicamente só aparece en Galicia e provincias onde os galegos emigraron. En setembro de 2015, 11.894 galegos tiñan este apelido^[4].

Santoral

9 de febreiro: San Miguel Febres Cordero, irmán das Escolas Cristiás ecuatoriano.
14 de maio: San Miguel Garicoits (Mixel Garicoitz, coñecido en Francia coma Michel Garicoïts), , crego vasco fundador de Sacerdotes do Sagrado Corazón de Xesús de Betharram.
8 de xuño: San Miguel dos Santos (Miquel dels Sants), relixioso trinitario catalán.
29 de setembro: San Miguel Arcanxo, a máis celebrada.
29 de outubro: Beato Miguel Rúa (Michele Rua), relicioso italiano e segundo Reitor Maior dos salesianos.

Variantes noutras linguas

Albanés: Mëhill, Mhill.
Alemán: Michael, Michel
Árabe: ميخائيل (Mijaíl).
Aragonés: Miguel, Miquel.^[5]
Asturiano: Micael, Micaela (feminino).
Bérber: Mighel
Bretón: Mikael
Castelán: Miguel, Micaela (feminino).
Catalán: Miquel, Miquela (feminino).
Checo e eslovaco: Michal
Chinés (Mandarín): 麥可 (mài kě).
Coreano: 마이클 (ma i keul).
Córnico: Mygal
Croata: Mihovil, Miho
Dinamarqués: Mikael
Escocés: Micheal
Esloveno: Mihael
Esperanto: Mikelo
Estoniano: Miikael
Éuscaro: Mikel, Mikele (feminino).
Finés: Mikko, Mikael
Francés: Michel, Michèle (feminino).
Galés: Meical
Grego: Μιχάλης (Michalis).
Hebreo: מיכאל (Mijael)
Húngaro: Mihály
Inglés: Michael (hipocorístico Mike, Mickey, Mick), Michelle (feminino).
Irlandés: Mícheál
Islandés: Mikael
Italiano: Michele,^[6] Michela (feminino).
Latín: Michael
Letón: Miķelis
Lituano: Mykolas
Maltés: Mikiel
Neerlandés: Michiel, Michaël
Polonés: Michał, Michalina (feminino).
Portugués: Miguel (masculino), Micaela, Miquelina (femininos); no Brasil utilízanse ademais Maicon e Maico (que proveñen da pronuncia inglesa).
Romanés: Mihai
Ruso: Михаи́л (Mighail); hipocorístico: Миша (Mixa), Миха (Migha)
Serbio: Mihajlo
Sueco: Mikael
Turco: Mikail
Ucraíno: Михайло (Myighailo).
Xaponés: マイケル (ma i ke ru).
Xeorxiano: მიხეილი (Mijeili).

Notas

↑ Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.
↑ Boullón Agrelo, A. I. (coord.) (2022). "Miguel". Guía de nomes galegos. A Coruña: Real Academia Galega. <https://academia.gal/nomes>.
↑ Nome Miguel na Web do Instituto Galego de Estatística
↑ Instituto Nacional de Estadística, apelido Míguez
↑ EDACAR Nº 9 - Antroponimia Aragonesa. Nombres de persona en aragonés. Comisión d'Onomastica de l'Academia de l'Aragonés. ISSN: 1988-8139. Marzo de 2014. (en castelán)
↑ Segundo unha estimación do ano 2000 era o décimo sexto nome masculino italiano máis común LIOn, (Laboratorio Internazione di Onomastica) - Clasificación Onomásticas: nombres masculinos en Italia en el siglo XX (en italiano).

Véxase tamén

Outros artigos

Ligazóns externas

Guía de nomes galegos. Nomes masculinos Real Academia Galega

[1] Xunta de Galicia (ed.). "Ímoslle chamar..." (PDF). Arquivado dende o orixinal (PDF) o 04 de marzo de 2018. Consultado o 13 de xuño de 2017.

[RAG-2] Boullón Agrelo, A. I. (coord.) (2022). "Miguel". Guía de nomes galegos. A Coruña: Real Academia Galega. <https://academia.gal/nomes>.

[3] Nome Miguel na Web do Instituto Galego de Estatística

[4] Instituto Nacional de Estadística, apelido Míguez

[antroponimos_EFA-5] EDACAR Nº 9 - Antroponimia Aragonesa. Nombres de persona en aragonés. Comisión d'Onomastica de l'Academia de l'Aragonés. ISSN: 1988-8139. Marzo de 2014. (en castelán)

[6] Segundo unha estimación do ano 2000 era o décimo sexto nome masculino italiano máis común LIOn, (Laboratorio Internazione di Onomastica) - Clasificación Onomásticas: nombres masculinos en Italia en el siglo XX (en italiano).

[1]

[2]

[3]

[4]

[5]

[6]