Martin O'Brien
| Biografía | |
|---|---|
| Nacemento | 1964  (59/60 anos) |
| Datos persoais | |
| País de nacionalidade | Reino Unido |
| Educación | Queen's University of Belfast (pt)  |
| Actividade | |
| Lingua | Lingua inglesa |
Premios | |
Martin O'Brien, nado en Belfast, Irlanda do Norte, en outubro de 1964, é un activista dos dereitos humanos e administrador de organizacións benéficas en Irlanda do Norte.
Traxectoria[editar | editar a fonte]
Desde 2004 a 2020, O'Brien foi empregado de Atlantic Philanthropies, nun programa de subvencións que traballou para provocar cambios duradeiros na vida das persoas desfavorecidas e vulnerables en Irlanda do Norte, a República de Irlanda, Suráfrica e os Estados Unidos promovendo a paz e o acceso aos dereitos humanos. En 2011, O'Brien foi nomeado Vicepresidente Sénior de Programas de Atlantic.
Antes de 2004, O'Brien traballou durante 17 anos coordinando o traballo do Comité para a Administración de Xustiza (Committee on the Administration of Justice, CAJ), unha organización dedicada a garantir os máis altos estándares na administración de xustiza en Irlanda do Norte. Como director executivo do CAJ, O'Brien axudou a garantir fortes disposicións de dereitos humanos no Acordo de Paz do Venres Santo, apoiado pola maioría dos partidos, que estableceu un calendario e unha estrutura para crear un novo goberno de repartición de poder en Irlanda do Norte. Foi durante a dirección de O'Brien en 1998 cando o CAJ recibiu o Premio dos Dereitos Humanos do Consello de Europa en recoñecemento á súa contribución á protección e promoción dos dereitos humanos en Irlanda do Norte. [1][2]
O'Brien fixo campañas publicamente sobre unha ampla gama de cuestións de liberdades civís. Estivo implicado na campaña para conseguir unha Carta de Dereitos para Irlanda do Norte, apoiada tamén por Chuck Feeney a través de Atlantic Philanthropies. O'Brien presentou preocupacións sobre o abuso dos dereitos humanos en Irlanda do Norte a audiencias internacionais, incluídas as Nacións Unidas.
Recibiu a súa licenciatura en Socioloxía e Administración Social pola Queen's University Belfast en 1987 e en 1996 o máster en Dereito dos Dereitos Humanos. En maio de 1999, o Notre Dame College entregoulle un doutoramento honoris causa en recoñecemento ao seu traballo para promover a xustiza e a paz en Irlanda do Norte. [3]
O'Brien é cofundador de varias organizacións, entre elas Youth for Peace; a Rede Irlandesa para a Formación e a Educación en Acción Non Violenta (INNATE); e Kilcranny House, un centro de educación rural comprometido con curar as divisións que existen en Irlanda do Norte.
O'Brien foi un dos catro destinatarios do premio Reebok Human Rights Award en 1992 [4]en recoñecemento á súa contribución á protección dos dereitos humanos. O seu traballo tamén foi homenaxeado por Human Rights Watch, que o seleccionou como un dos 12 observadores internacionais de dereitos humanos para 1992.
Véxase tamén[editar | editar a fonte]
 |
Wikimedia Commons ten máis contidos multimedia na categoría: Martin O'Brien |
Outros artigos[editar | editar a fonte]
- Chuck Feeney
- The Atlantic Philanthropie
- Reebok Human Rights Awards
- Irlanda do Norte
- República de Irlanda
Ligazóns externas[editar | editar a fonte]
- Social Change Initiative Social Change Initiative, dirixida por Martin O' Brien
- Martin O'Brien (@MartinOBrien17) en Twitter
- O' Brien en The Atlantic Philanthropie
- Vídeo de O' Brien (SCI’s global activism convening 2019, with participant interviews)
Notas[editar | editar a fonte]
- ↑ "CAJ". Páxina oficial. Arquivado dende o orixinal o 06 de febreiro de 2022. Consultado o 2019-07-25.
- ↑ "Martin O' Brien". Social Change Initiative. Consultado o 6-2-2022.
- ↑ "Search". The Atlantic Philanthropies (en inglés). Consultado o 2022-02-06.
- ↑ "Reebok Human Rights Awards". Reebok.com arquivada en web.archive.org. Archived from the original on 13-02-2007. Consultado o 6-2-2022.