Martín de la Puente
| Biografía | |
|---|---|
| Nacemento | 22 de xuño de 1999  (24 anos)Vigo, España |
| Datos persoais | |
| País de nacionalidade | España |
| Actividade | |
| Ocupación | tenista en cadeira de rodas |
| Lingua | Lingua castelá |
| Deporte | tenis en cadeira de rodas |
| Participou en | |
| 2021 | Xogos Paralímpicos de 2020 |
| setembro de 2016 | Xogos Paralímpicos de 2016 |
   | |
Martín de la Puente Riobó, nado en Vigo o 22 de xuño de 1999, é un tenista paralímpico galego. No ámbito nacional foi 6 veces Campión de España e número 1 da clasificación nacional. Participou nos Xogos Paralímpicos de Río de Xaneiro de 2016 e Toquio de 2020. Pertence ao Real Club Náutico de Vigo.[1]
Traxectoria[editar | editar a fonte]
Aos dous anos de idade foi diagnosticado con síndrome de Proteus no Hospital de la Paz, en Madrid. Con 14 anos acumulou un total de 16 operacións, incluíndo a amputación do pé esquerdo.
Con apenas 14 anos conseguiu o seu primeiro Campionato de España, e nas seguintes temporadas conseguiu tres veces consecutivas o Campionato do Mundo sub 18. No ano 2016 acudiu aos Xogos Paralímpicos de Río de Xaneiro, sendo o deportista máis mozo da súa modalidade, con tan só 17 anos e acadando un Diploma Paralímpico. Tamén participou nos Xogos de Toquio de 2020.
En 2022 posicionouse como número 1 da clasificación mundial de tenis en cadeira de rodas, na categoría de dobres, tras conseguir o seu primeiro Gran Slam, o Open dos Estados Unidos e a Copa de Mestres en categoría de dobres.
Graduouse no ano 2023 en Administración e Dirección de Empresas.
Palmarés[editar | editar a fonte]
- N.º10 na clasificación mundial en 2021
- Diploma Olímpico nos Xogos de Río de Xaneiro 2016 e Toquio 2020
- Campión de 5 torneos internacionais ITF en 2019 e 2021
- Campión de España Absoluto en 2014, 2016, 2017 e 2019
- Campión do Mundo Júnior en 2015, 2016 e 2017.[3]
Notas[editar | editar a fonte]
- ↑ Martín de la Puente na páxina web da Real Federación Española de Tenis (en castelán).
- ↑ "Vigo rende homenaxe aos seus olímpicos e paralímpicos cun monumento". VigoÉ. 13/10/2016.
- ↑ Martín de la Puente Arquivado 09 de outubro de 2022 en Wayback Machine. na páxina web do seu patrocinador, Toyota (en castelán).
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- Rivera, Almudena (27/4/2017). "Martín de la Puente, el niño prodigio del tenis paralímpico". Marca (en castelán).
- González, Josep (16/9/2022). "Martín de la Puente, el ‘otro Alcaraz’ que hizo historia en el US Open". Sport (en castelán).
