Mariano Fernández Cabarcos
  | |
| Biografía | |
|---|---|
| Nacemento | 26 de xaneiro de 1972 (52 anos) |
| Datos persoais | |
| País de nacionalidade | España |
| Educación | Universidade da Coruña |
| Actividade | |
| Ocupación | empresario |
| Lingua | Lingua castelá |
Mariano Enrique Fernández Cabarcos, nado en Ponferrada o 26 de xaneiro de 1972, é un locutor, técnico de son e empresario galego. É o secretario e coordinador de lexislación da Rede de Medios Comunitarios.
Traxectoria[editar | editar a fonte]
Estudou Dereito[1] na Universidade da Coruña, na que se incorporou ao Club de Prensa en 1994, dende onde colaborou na publicación A Tarima.[1] En xaneiro de 1995 comenza a codirixir o programa A pé de campus[1], no que o 15 de marzo coñeceu a Tomás Legido.
Vendo que no Campus de Ferrol existía unha emisora universitaria[1] (Radio Kaos), pensaron que a UDC debería ter unha radio que dese voz a todos os estudantes e colectivos, así que o 15 de xuño de 1995 crearon o Colectivo de Universitarios Activos como Asociación Xuvenil, no que Mariano Fernández desempeña diferentes cargos. Este colectivo crearía en 1996 a emisora comunitaria Cuac FM. De todos os fundadores, unicamente[2] Tomás Legido[3] e Mariano Fernández,[1] seguen formando parte activa de Cuac FM.
Participou en diversos programas de Cuac FM, como Mogaespuma (con Nino García), Gold Connection (en solitario) O lado escuro do Corazón (con Tomás Legido), Bugalú (con Tomás Legido) e dende 2003, é locutor e técnico de son en Alegría,[4] (con Tomás Legido e Bea Ulalume) un magazine que informa de temas culturais, sociais e políticos, principalmente referentes á actualidad coruñesa ou galega.
De forma simultánea á súa participación en Cuac FM, tivo seccións fixas sobre a actualidade universitaria en emisoras como Radio Voz ou Radio Coruña - Cadena SER; e dende 2003 a 2009, realizou xunto con Tomás Legido o programa Claves de Carral, na emisora municipal de Carral, Carral Radio. Tamén colaborarou na revista humorística 4 gatos.[1]
En 1999, xunto con Tomás Legido e Antón Lezcano, fundaron[3] a empresa de xestión cultural 10D10.[5]
Participou en diversos encontros de medios comunitarios, participando na creación en 2006 da Rede Galega de Radios Libres e Comunitarias[6] (que aínda non ten personalidade xurídica), e en 2009, da Rede de Medios Comunitarios,[7] na que Mariano Fernández sería Secretario e Coordinador de Lexislación, e da que Cuac FM se convertería na súa sede social.[7] Neste cargo comprometeuse de forma activa coa problemática dos medios comunitarios, contestando[8][9][10] ás acusacións que dende os medios de comunicación comerciais[11][12] fixeron a todas as emisoras de radio sen licenza.
Notas[editar | editar a fonte]
- ↑ 1,0 1,1 1,2 1,3 1,4 1,5 Biografía de Mariano Enrique Fernández Cabarcos Arquivado 04 de setembro de 2010 en Wayback Machine.. Radio en Galicia
- ↑ La Radio más aficcionada. La Opinión de A Coruña.
- ↑ 3,0 3,1 Biografía de Tomás Legido Sánchez Arquivado 24 de xuño de 2010 en Wayback Machine.. Radio en Galicia
- ↑ Blog del programa Alegría Arquivado 15 de xaneiro de 2010 en Wayback Machine.. Cuac FM
- ↑ Web de 10D10
- ↑ As radios libres galegas mantéñense vizosas e preparan unha coordinadora que facilite o seu traballo. Cultura Galega
- ↑ 7,0 7,1 Red de Medios Comunitarios en España Arquivado 16 de xaneiro de 2010 en Wayback Machine.. Centre for Communication Rights
- ↑ As emisoras FM ilegais e o dereito a comunicar Arquivado 21 de decembro de 2011 en Wayback Machine.. Radio en Galicia.
- ↑ "A Don Luis del Olmo" Arquivado 16 de xaneiro de 2010 en Wayback Machine.. Alegría (Cuac FM). 12 de enero de 2010.
- ↑ "Vuelta la burra al trigo" Arquivado 15 de marzo de 2010 en Wayback Machine.. Alegría (Cuac FM). 17 de enero de 2010
- ↑ "El día que denunciamos en el programa de Luis del Olmo sus prácticas piratas" Arquivado 06 de xullo de 2010 en Wayback Machine.. Radio Enlace. 12 de enero de 2010
- ↑ Javier González Ferrari: "Es una locura que estén proliferando las radios ilegales". Público. 17 de enero de 2010