Mar Pereira

Na Galipedia, a Wikipedia en galego.
María del Mar Pereira Álvarez

Actualmente no cargo
Dende o 2012

Escudo de la Xunta de Galicia.svg
Secretaria Xeral de Modernización e Innovación Tecnolóxica
2009 – 2012

Escudo de la Xunta de Galicia.svg
Subdirectora Xeral de Información e Servizos Tecnolóxicos da Consellería de Sanidade
2005 – 2009

Datos persoais
Nacemento 1967
Vigo, Galicia Galicia
Partido Partido Popular de Galicia
Alcume Mar Pereira
Profesión Física e política

María del Mar Pereira Álvarez, nada en 1967 en Vigo, é unha física e política galega do PPdeG.[Cómpre referencia]

Traxectoria[editar | editar a fonte]

Licenciouse en Física pola Universidade de Santiago de Compostela, que anos despois completou cun mestrado en Economía e Xestión da saúde na mesma universidade. En 1990 comezou a traballar en INISEL, unha empresa pública de sistemas informáticos, que despois pasou a chamarse Indra Sistemas. En 1993 pasou a traballar en Sopra-Bull como analista informática, e en 1995 incorpórase xa á consellería de Sanidade da Xunta de Galicia para traballar no desenvolvemento da tarxeta sanitaria. Mantense na consellería, en diversos postos tanto na administración da mesma coma no Sergas, ata 2005 cando chega a ser Subdirectora Xeral de Información e Servizos Tecnolóxicos da Consellería. Durante ese tempo aprobou ademais a oposición, co que é funcionaria coa categoría de técnica superior.

En 2009 coa chegada ao goberno de Alberto Núñez Feijóo é nomeada Secretaria Xeral de Modernización e Innovación Tecnolóxica, nun posto dependente directamente da presidencia da Xunta. En 2012 a Secretaría Xeral transfórmase en Axencia para a Modernización Tecnolóxica de Galicia, onde ocupa tamén a súa dirección.