Rocío de Frutos

Rocío de Frutos
Biografía
Nacemento	(es) María del Rocío de Frutos Madrazo ; 21 de xaneiro de 1967 (57 anos); Valladolid, España
Deputada de España
	13 de xullo de 2016 – 21 de maio de 2019 ; Lexislatura: XII lexislatura de España ; Circunscrición electoral: Ourense ; Electo en: Eleccións xerais de España de 2016
Deputada de España
	4 de xaneiro de 2016 – 3 de maio de 2016 ; Lexislatura: XI lexislatura de España ; Circunscrición electoral: Ourense ; Electo en: Eleccións xerais de España de 2015
Datos persoais
País de nacionalidade	España
Educación	Universidade de Valladolid
Actividade
Ocupación	política
Partido político	Partido Socialista Obrero Español
Membro de	Partido dos Socialistas de Galicia
Lingua	Lingua castelá

María del Rocío de Frutos Madrazo, nada en Valladolid o 21 de xaneiro de 1967, é unha política galega do PSdeG-PSOE.

Traxectoria[editar | editar a fonte]

Licenciada en Dereito pola Universidade de Valladolid e diploma de Estudos Avanzados pola Universidade de Vigo. Profesionalmente é inspectora de traballo. Desde 1990 está destinada en Ourense. Ocupou postos de relevancia política ao traballar como secretaria xeral da subdelegación do goberno en Ourense, entre 2004 e 2008. En 2010 figurou no equipo co que Jaime Cabeza se presentou, sen éxito, ao reitorado da Universidade de Vigo, nas eleccións que foron gañadas por Salustiano Mato.

Encabezou a lista do PSOE pola provincia de Ourense nas eleccións xerais de 2015, logo de ser designada pola dirección galega do partido e en contra da opinión da militancia, que escollera en primarias a Laura Seara.^{[Cómpre referencia]}

Foi unha dos quince deputados do PSOE que votaron en contra na segunda sesión de investidura de Mariano Rajoy para presidente o 29 de outubro de 2016.^[1]

Actualmente^[cando?] é a directora provincial do INSS en Ourense.