Salustiano Mato
| Salustiano Mato | |
|---|---|
| Nacemento | 1960 |
| Lugar de nacemento | Santiago de Compostela |
| Nacionalidade | España |
| Alma máter | Universidade de Santiago de Compostela |
| Ocupación | biólogo e profesor universitario |
| Na rede | |
   | |
| [ editar datos en Wikidata ] | |
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2015.) |
Salustiano Mato de la Iglesia, nado en Santiago de Compostela en 1960, é un biólogo e profesor universitario galego[1].
Traxectoria[editar | editar a fonte]
É licenciado en Bioloxía pola Universidade de Santiago de Compostela e doutor en Bioloxía por esta institución académica e ten realizado o postdoutoramento nas universidades de Cornell e Rutgers dos Estados Unidos, no eido da compostaxe. É Catedrático de Bioloxía Animal.
A súa experiencia profesional está vencellada ó mundo universitario, no que ten desenvolvido, entre outras responsabilidades, o cargo de Vicedecano da Facultade de Ciencias de Ourense, a Dirección do Departamento de Ecoloxía e Bioloxía Animal da Universidade de Vigo ou o Decanato da Facultade de Ciencias de Vigo, ademais de ser membro da Executiva da Sectorial de I+D+i da CRUE; e Vicerreitor de Investigación da Universidade de Vigo, dende 1998 a 2005.
Foi profesor da Escola Técnica de Enxeñeiros Agrónomos de Lugo, profesor da Facultade de Ciencias de Ourense e, dende o ano 2000, exerce como catedrático na Universidade de Vigo con docencia na Facultade de Bioloxía.
Publicou máis de cen traballos científicos dos cales máis da metade o foron en revistas de ámbito internacional, no campo da Ecoloxía do Solo e do Tratamento de Residuos.
Foi Director Xeral de Investigación, Desenvolvemento e Innovación (2005-2009). En 2010 foi elixido reitor da Universidade de Vigo.
Notas[editar | editar a fonte]
- ↑ Domingo Docampo (6 de marzo de 2011). "Salustiano Mato, la visión del corredor de fondo". El País.
