María Araújo
- Para o artigo da xogadora galega de baloncesto véxase: María Pérez Araújo
| Biografía | |
|---|---|
| Nacemento | 28 de outubro de 1904  O Carril, España |
| Morte | 28 de decembro de 1989 (85 anos) A Habana, Cuba |
| Datos persoais | |
| Outros nomes | María Carcaño María a Guerrilleira |
| País de nacionalidade | España |
| Actividade | |
| Ocupación | sindicalista , política |
| Lingua | Lingua castelá |
María Araujo Martínez, coñecida tamén como María Carcaño e María a Guerrilleira, nada no Carril (Vilagarcía de Arousa) o 28 de outubro de 1904 e finada na Habana o 28 de decembro de 1989, foi unha sindicalista, guerrilleira e política galega.
Traxectoria[editar | editar a fonte]
Aos dous anos marchou coa familia a Cuba, establecéndose en Casablanca. Casou con Sebastián Carcaño e xuntos vinculáronse ao nacente movemento comunista cubano. En 1927 regresaron cos seus fillos a Galicia. María traballou nunha fábrica de conservas en Vigo. Encabezou o Sindicato de Conserveiras e militou no PCE. Ao iniciarse o golpe de Estado do 18 de xullo de 1936 pasou á clandestinidade e colaborou coa guerrilla antifranquista. Foi detida xunto coa súa filla Dora Carcaño. Grazas ás xestións do cónsul de Cuba en Vigo foi liberada en agosto de 1944 e expulsada de España. De regreso a Cuba participou en campañas de apoio aos guerrilleiros antifranquistas e en 1948 foi vicepresidenta da Unión de Mujeres Españolas. Loitou contra a ditadura de Batista e apoiou o goberno revolucionario. Colaborou na Campaña de Alfabetización, nos Comités de Defensa de la Revolución e na Federación de Mujeres Cubanas.
Véxase tamén[editar | editar a fonte]
Bibliografía[editar | editar a fonte]
- Domingo Cuadriello, Jorge (2009). El exilio republicano español en Cuba. Madrid: Siglo XXI. p. 364. ISBN 978-84-323-1387-5.
- Pérez Leira, Lois (2009). Mulleres da emigración (bilingüe: galego-castelán). Vigo: Grupo de Comunicación Galicia en el Mundo. ISBN 978-84-936759-9-8.
- Saraiba, Nydia (2006). Perfiles. Mujeres de la Guerra Civil Española en Cuba. Sada: Ediciós do Castro. ISBN 978-84-8485-244-5.