Manuel Fontán
| Biografía | |
|---|---|
| Nacemento | 17 de abril de 2001  (23 anos)Vilanova de Arousa, España |
| Datos persoais | |
| País de nacionalidade | España |
| Actividade | |
| Ocupación | piragüista |
Manuel Fontán Señoráns, nado en Vilanova de Arousa o 17 de abril de 2001, é un deportista galego que compite en piragüismo na modalidade de augas tranquilas. Foi dúas veces campión do mundo no C4 500 metros (2022 e 2023).
Traxectoria[editar | editar a fonte]
Pertencente ao Náutico O Muíño de Ribadumia, foi internacional con España dende a categoría cadete. Gañou os Xogos Europeos da Xuventude en Hungría nas categorías C1 200 e C1 500, e foi subcampión de Europa Júnior no C1 1000 en Auronzo.
En 2022 proclamouse no Canadá campión do mundo na proba de C4 500 m, xunto aos tamén galegos Adrián Sieiro e Pablo Graña e o balear Joan Moreno,[1] título que revalidou ao ano seguinte en Duisburgo.[2] Tamén en 2023 logrou dúas pratas no Campionato Europeo sub-23 en Montemor-o-Velho, nas probas de C2 1000 metros (xunto a Diego Dominguez) e no C2 500 metros (xunto a Martín Jácome).[3]
En 2024 disputou o Campionato de Europa na localidade húngara de Szeged, conseguindo o bronce no C2 200 metros, xunto a Sieiro.[4]
Palmarés internacional[editar | editar a fonte]
| Campionato Mundial | |||
|---|---|---|---|
| Ano | Lugar | Medalla | Competición |
| 2022 |  Dartmouth
|
 Ouro
|
C4 500 m |
| 2023 |  Duisburgo
|
Ouro
|
C4 500 m |
| Campionato Europeo | |||
| Ano | Lugar | Medalla | Competición |
| 2024 |  Szeged
|
 Bronce
|
|
Notas[editar | editar a fonte]
- ↑ "Manuel Fontán y Pablo Graña logran el oro en el Campeonato del Mundo de Sprint" (en castelán). 8 de agosto de 2022. Consultado o 1 de xaneiro de 2024.
- ↑ "El cangués Pablo Graña, campeón del mundo dentro del C4 500" (en castelán). 27 de agosto de 2023. Consultado o 1 de xaneiro de 2024.
- ↑ Sánchez, Gonzalo (30 de xullo de 2023). "Manuel Fontán logra otro subcampeonato de Europa para el Náutico O Muiño" (en castelán). Consultado o 1 de xaneiro de 2024.
- ↑ Caldas, María (16 de xuño de 2024). "Manuel Fontán y Adrián Sieiro logran la medalla de bronce en el C2 200 metros" (en castelán). Consultado o 28 de xuño de 2024.