Manuel Fernández Freijeiro

Manuel Fernández Freijeiro
Biografía
Nacemento	1870 ; Pontedeume
Morte	18 de decembro de 1936 (65/66 anos); castelo de San Filipe
Causa da morte	pena de morte, ferida por arma de fogo
Alcalde de Cedeira
	1936 – 1936 – José Torres Santiso →
Alcalde de Cedeira
	1931 – 1934
Actividade
Ocupación	político, militar

Manuel Fernández Freijeiro, nado en Pontedeume cara 1870 e finado en Ferrol o 18 de decembro de 1936, foi un militar e político galego.

Traxectoria

Militar Auxiliar de Intendencia retirado. Na República foi alcalde de Cedeira e volveu ser alcalde a partir de marzo de 1936. Durante a súa estancia en Ferrol foi directivo do Real Coro Toxos e Froles. Co golpe de Estado do 18 de xullo de 1936 interveu nos primeiros momentos pero púxose enfermo e tomaron a dirección o tenente de alcalde José Vergara López e José Bernabé Martínez, do comité de resistencia cedeirense, que proclamaron nun bando a declaración de Estado de Guerra.^[1] Detido, foi xulgado en Ferrol por rebelión militar e condenado a pena de morte. Executado en Ferrol no castelo de San Felipe o 18 de decembro de 1936 canda o seu fillo Ginés Fernández Rodríguez e outros republicanos cedeirenses.^[2]

↑ Igrexas, Fernando (2013-05-07). "¡Jamás volvais a Cedeira!". ollaparo.gal (en castelán). Consultado o 2023-07-27.
↑ El Compostelano, 19-12-1936, p. 2.

Predecesor: ?	Alcalde de Cedeira 1931 - 1934	Sucesor: ?
Predecesor: ?	Alcalde de Cedeira 1936	Sucesor: José Torres Santiso