Manuel Ángel Leis Míguez
| Biografía | |
|---|---|
| Nacemento | 1977  (46/47 anos)Liñaio, España |
| Alcalde de Negreira | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Partido dos Socialistas de Galicia |
Manuel Ángel Leis Míguez, nado en Liñaio (Negreira) en 1977, é un político galego do PSdeG-PSOE.
Traxectoria[editar | editar a fonte]
Transportista de butano, é presidente da Asociación de Veciños da parroquia de Liñaio. É concelleiro en Negreira polo PSdeG-PSOE dende as eleccións municipais de 2007, nas cales gañaron os socialistas, e ocupouse das áreas de deportes e participación cidadá, ata a dimisión do alcalde Juan García Fuentes en setembro de 2009, e posteriormente obras xa con Jorge Tuñas Caamaño de alcalde. Volveu ser concelleiro tralas municipais de 2011 nas que volveu gaña-lo PSdeG, pero situouse na oposición debido a un pacto entre o PPdeG e o exalcalde José Blanco Pazos. Volveu ser concelleiro tralas municipais de 2015 nas que tras unha nova vitoria electoral os socialistas recuperaron o goberno, e fíxose cargo das áreas de obras, urbanismo, parques e xardíns, novamente con Jorge Tuñas Caamaño de alcalde.
En abril de 2017 Tuñas dimitiu como consecuencia dun xuízo, ante o cal asume a alcaldía ata novembro dese mesmo ano, cando Tuñas, unha vez absolto, regresa ó posto. De cara ás municipais de 2019 foi o candidato socialista á alcaldía, trala retirada definitiva de Tuñas, e foi elixido alcalde con maioría absoluta. Nas municipais de 2023 foi reelixido alcalde co apoio do BNG.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- María Jesús Veiga y Manuel Ángel Leis llevarán el peso de las concejalías de Negreira
- El sustituto, Manuel Ángel Leis Míguez, lleva diez años en la corporación local
- Manuel Ángel Leis será el cabeza de lista de los socialistas de Negreira
| Predecesor: Jorge Tuñas Caamaño |
 Alcalde de Negreira 2017 |
Sucesor: Jorge Tuñas Caamaño |
| Predecesor: Jorge Tuñas Caamaño |
Alcalde de Negreira 2019 - actualidade |
Sucesor: no cargo |