Machada de dobre anel
 | |
| Material: | - |
|---|---|
| Peso: | - |
| Medidas: | 24,4 x 6,1 x 2,6 cm |
| Ano da descuberta: | 1881 |
| Lugar: | Paradela, Meis |
| Data: | séculos VII-VI a. C. |
| Museo: | Biblioteca Museo Víctor Balaguer |
A Machada de Dobre Anel é unha machada de bronce dos séculos VII-VI a. C. descuberta en Paradela, Meis e que actualmente forma parte da Biblioteca Museo Víctor Balaguer de Villanueva y Geltrú, en Cataluña. Mide 24,4 x 6,1 x 2,6 cm e pasou a formar parte da colección do museo grazas á doazón de Ramón del Valle en 1884.
Descrición[editar | editar a fonte]
Pertence ao período do bronce final. É unha machada de talón de dobre anel feita con molde, este tipo de ferramentas son semellantes a outras que se atoparon en Samieira e adoitan ter unha elevada proporción de estaño en comparación co cobre e outros elementos menores como o chumbo, o cinc ou o arsénico. Ten unha folla de perfís paralelos, de corte curto e unha nervadura central que non supera os dous terzos da lonxitude total da folla.
Este tipo é característico do noroeste peninsular e son numerosos os achados, en Galicia, de obxectos de bronce en acobillos ou depósitos mercantes do período de bronce final atlántico. A súa distribución dase na meseta, a costa cantábrica, a Bretaña e o sur de Inglaterra. Outros achados coñecidos en Pontevedra son os de Hío, Samieira e Ribadelouro.
En 1881 atopouse na parroquia de Santa María de Paradela, no interior dunha caixa formada por lousas, setenta e dúas machadas de bronce de formas variadas, que foron vendidas a un fundidor, excepto un exemplar que quedou nas mans de Cástor Montenegro, párroco de San Vicente de Nogueira, quen llo regalou a Ramón del Valle[1], pai do Premio Nobel de Literatura, Ramón de Valle-Inclán)[2]. Ramón tivo a machada durante un tempo publicando o achazgo en La Voz de Arosa. Doou a peza o 1 de novembro de 1884 con unha carta dirixida a Víctor Balaguer e publicada no BMVB.[3]
Notas[editar | editar a fonte]
- ↑ Trullén, Josep Maria (2001). Biblioteca Museu Víctor Balaguer. Guia de les col·leccions del Museu. Villanueva y Geltrú: Organisme Atònom V. Balaguer. p. 33. ISBN 84-931438-3-9.
- ↑ Ferrer Soler, Albert (1945). "El depósito de bronces de Santa María de Paradela (Provincia de Pontevedra)". Empúries (7-8): 349–350.
- ↑ del Valle, Ramón (1885). "Noticias". Boletín de la Biblioteca Víctor Balaguer (5, 7 e 8).