MC5 foi unha banda de rock estadounidense formada inicialmente en Lincoln Park, Míchigan no ano 1964.[1][2] Son coñecidos coma un dos precursores do punk rock. Orixinalmente estivo activa dende 1964 ata 1972, e reformouse no ano 2003 co vocalista de punk Handsome Dick Manitoba da banda The Dictators. A súa formación orixinal estaba composta polo cantante Rob Tyner, os guitarristas Wayne Kramer e Fred "Sonic" Smith, o baixista Michael Davis e o batería Dennis Thompson.
