Logos (revista)
| Logos | |
|---|---|
 Cabeceira da publicación | |
| País | España |
| Lugar | Pontevedra |
| Lingua | lingua galega |
| Na rede | |
 | |
| [ editar datos en Wikidata ] | |
Logos, subtitulada Boletín católico mensual, foi unha revista mensual editada en Pontevedra de 1931 a 1936.
Historia e características
[editar | editar a fonte]Creada por Antón Iglesias Vilarelle e Xesús Ferro Couselo, foi unha revista innovadora na prensa católica polo uso do idioma galego e a disparidade de criterios dos seus colaboradores. Xunto aos temas teolóxicos, trataba aspectos históricos e literarios, e a súa liña política está marcada por un certo aperturismo cara aos problemas sociais do momento.
Saíron un total de 49 números, xa que a edición se suspendeu entre agosto e decembro de 1934; en 1935 só se editaron catro números, asumindo un ritmo trimestral, e en 1936 empeza editándose a ritmo bimensual, pero só saen dous números, o 48 de xaneiro-febreiro, e o 49 de marzo-abril.
Na revista colaboraron os sacerdotes Paulino Pedret, Avelino Gómez Ledo, Ramón María Aller, Fernando Quiroga Palacios; os frades Mercedarios de Poio: Guillermo Vázquez, Gumersindo Placer, P. Miguélez, Emilio Silva, Santiago Crespo e Xosé Vallejo; os Franciscanos de Santiago Atanasio López Fernández, P. Aldegunde e Lino Gómez Canedo; e os monxes de Samos Maximino Arias e Victoriano González. A imaxe do profeta Daniel que aparecía na portada foi debuxada por Alfonso Daniel Rodríguez Castelao.
Despois da guerra, Iglesias Vilarelle e Xosé Luís Fontenla Méndez intentaron volver publicar a revista, pero as autoridades franquistas esixíronlles unha declaración de adhesión ao Movemento e decidiron non continuar co proxecto.
En 1983 Sotelo Blanco Edicións editou a colección completa en edición facsímile, cun limiar de Xosé Filgueira Valverde.
Véxase tamén
[editar | editar a fonte]Bibliografía
[editar | editar a fonte]- Pérez Pais, María del Carmen (2005). "Logos". Gran Enciclopedia Galega (DVD). El Progreso. ISBN 84-87804-88-8.
- Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8.
- Vilavedra, D., ed. (1997). Diccionario da Literatura Galega. II. Publicacións Periódicas. Galaxia. pp. 288–290. ISBN 84-8288-137-X.
