Lluís Martínez i Sistach

Lluís Martínez i Sistach
Cardeal da Igrexa Católica
Biografía
Nacemento	29 de abril de 1937 en Barcelona, España
Ordes
Ordenación sacerdotal	17 de setembro de 1961, por Gregorio Modrego
Consagración episcopal	27 de decembro de 1987, por Narciso Jubany
Creado cardeal	24 de novembro de 2007, por Bieito XVI
Arcebispo de Barcelona Cardeal-Presbítero de San Sebastiano alle Catacombe
2004 - 2015
Predecesor	Ricard Maria Carles
Sucesor	Juan José Omella
Outros
Escudo de Lluís Martínez i Sistach
Ficha en catholic-hierarchy.org

Lluís Martínez i Sistach, nado o 29 de abril de 1937 en Barcelona (España), é un cardeal da Igrexa Católica, bispo de Tortosa entre 1991 e 1997, arcebispo metropolitano de Tarragona entre 1997 e 2004, e arcebispo metropolitano de Barcelona entre 2004 e 2015.

Traxectoria

Lluís Martínez i Sistach naceu o 29 de abril de 1937 en Barcelona (España).

O 17 de setembro de 1961 foi ordenado sacerdote da arquidiocese de Barcelona polo seu arcebispo Gregorio Modrego.

O 6 de novembro de 1987 foi nomeado bispo auxiliar de Barcelona e titular de Aliezira, recibindo a consagración episcopal o 27 de decembro do mesmo ano de mans do cardeal Narciso Jubany, arcebispo de Barcelona, e sendo os co-consagrantes o nuncio en España Mario Tagliaferri e o arcebispo de Tarragona Ramón Torrella Cascante.

O 17 de maio de 1991 o papa Xoán Paulo II nomeouno bispo de Tortosa. Seis anos máis tarde, o 20 de febreiro de 1997, foi nomeado arcebipo de Tarragona.

O 15 de xuño de 2004 foi nomeado arcebispo de Barcelona. O papa Bieito XVI, no consistorio do 24 de novembro de 2007 creouno cardeal, co título de Cardeal-Presbítero de San Sebastiano alle Catacombe.

Premios e distincións

Foi nomeado doutor honoris causa pola Pontificia Universidade Católica Madre e Mestra en 2011, e pola Pontificia Facultade de Teoloxía de Varsovia en 2012.