As especies do xénero Listeria poden encontrarse no chan, augas residuais, plantas e feces de seres humanos e animais sans. Brochothrix atópase principalmente no chan, carnes, herba e ensilados e carnes refrixeradas.[2].
Son bacilos. Aerobias ou anaerobias facultativas. Non forman esporas. Son positivas na probas da catalase e na reacción de Voges-Proskauer. As do xénero Brochothrix non son móbiles, pero as Listeria teñen mobilidade por flaxelos peritricos. As temperaturas óptimas para Brochothrix están entre 20 e 25°C e para Listeria entre 30 e 37°C.
O principal patóxeno da familia é a Listeria monocytogenes que causa no home a listeriose. Listeria ivanovii e Listeria monocytogenes son parasitas de animais. Como Listeria monocytogenes e Brochothrix thermosphacta son tolerantes ao frío poden sobrevivir en alimentos refrixerados. B. thermosphacta pode estragar as carnes, pero non é patóxena para os humanos ou animais.[3]
↑Martin Dworkin, Stanley Falkow, Eugene Rosenberg, Karl-Heinz Schleifer, Erko Stackebrandt: The prokaryotes, 3ª edición, Volume 3: Archaea, Bacteria: Firmicutes, Actinomycetes. Springer-Verlag, New York u. a. O. 2006, ISBN 978-0-387-25493-7 (libro), ISBN 978-0-387-30747-3 (online), doi:10.1007/0-387-30743-5
