Lillian Moller Gilbreth
| Lillian Moller Gilbreth | |
|---|---|
 | |
| Datos persoais | |
| Lillie Evelyn Moller | |
| Nacemento | 17 de maio de 1878 |
| Lugar | Oakland |
| Falecemento | 2 de xaneiro de 1972 |
| Lugar | Phoenix |
| Nacionalidade | Estados Unidos de América |
| Cónxuxe | Frank Bunker Gilbreth |
| Fillos | Frank Bunker Gilbreth, Jr. e Ernestine Gilbreth Carey |
| Actividade | |
| Campo | Enxeñeira industrial |
| Alma máter | Universidade de California en Berkeley e Universidade Brown |
| Coñecida por | Fatigue study, the elimination of humanity's greatest unnecessary waste |
| Premios | National Women’s Hall of Fame, Medalha Hoover e Medalha Henry Laurence Gantt |
| [ editar datos en Wikidata ] | |
Lillian Moller Gilbreth, nada en Oakland, California (EE UU) o 24 de maio de 1878 e finada en Phoenix, Arizona o 2 de xaneiro de 1972, foi unha psicóloga estadounidense, cuxos traballos se desenvolveron principalmente na área de enxeñaría industrial.[1] Foi unha das primeiras mulleres enxeñeiras que obtivo un doutoramento, e, posiblemente, a primeira verdadeira psicóloga industrial/organizacional.[2]
Ela e o seu esposo, Frank Bunker Gilbreth, eran expertos en eficiencia e contribuíron ao estudo de enxeñaría industrial en campos como o do movemento e os factores humanos[3]. Os libros Cheaper by the Dozen e Belles on their toes (escrita polos seus fillos Ernestine e Frank Jr.) narran a historia da súa vida familiar cos seus doce fillos e describen como aplican o seu interese no estudo de movemento e de tempo para a organización e as actividades diarias dunha familia tan extremadamente grande.
Traxectoria[editar | editar a fonte]
Un dos principais empregos que tivo durante a súa carreira foi o de asesora económica oficial dos presidentes Herbert Hoover, Franklin Delano Roosevelt, Dwight D. Eisenhower, John Fitzgerald Kennedy e Lindon Johnson, con este último traballou en defensa civil, produción de material bélico e rehabilitación de feridos.[4]
Lillian inventou tamén obxectos como o cubo de lixo de pedal e os estantes da porta da neveira. Foi a primeira muller en ser elixida para a Academia Nacional de Enxeñería.[1]
Homenaxes[editar | editar a fonte]
Existe unha exposición permanente nunha sala dedicada exclusivamente ao matrimonio Gilbreth, no Museo Smithsonian (parte do Instituto Smithsonian, en Washington D.C) na sección de Historia Americana (estadounidense, especificamente) e o seu retrato colga no National Portrait Gallery.
Notas[editar | editar a fonte]
- ↑ 1,0 1,1 "Dones Engynieres". Consultado o 12-3-2020.
- ↑ "Lillian Moller Gilbreth, ingeniera y psicóloga". Consultado o 12-3-2020.
- ↑ "Lillian Moller y Frank Gilbreth, la pareja apasionada con el estudio del movimiento que hizo que tu trabajo ahora sea más fácil". Consultado o 13-3-2020.
- ↑ Denda; Paolini; Tirachini (2016). "TRES MUJERES EN LA ADMINISTRACIÓN:LILLIAN MOLLER GILBRETH, MARY PARKER FOLLETT YJOAN WOODWARD". Ciencias Administrativas (7). ISSN 2314-3738.
Véxase tamén[editar | editar a fonte]
Ligazóns externas[editar | editar a fonte]
- Lillia Moller Gilbreth
- Biografía de Lillian Evelyn Gilbreth na Enciclopedia Británica
- Lillian Gilbreth: First Lady of Engineering en YouTube
| Control de autoridades |
|
|---|
