Leptospira interrogans

Na Galipedia, a Wikipedia en galego.
Leptospira
Micrografía electrónica de varrido de Leptospira interrogans.
Micrografía electrónica de varrido de Leptospira interrogans.
Clasificación científica
Dominio: Bacteria
Filo: Spirochaetes
Orde: Spirochaetales
Familia: Leptospiraceae
Xénero: Leptospira
Especie: ''L. interrogans''

Leptospira interrogans é unha especie de bacterias Gram negativas, aerobias obrigadas do grupo das espiroquetas, con flaxelos periplásmicos. Cando se olla con microscopio óptico a miúdo parece que ten forma de signo de interrogación, e isto é o que lle dá á especie o seu nome (interrogans). Algúns serovares patoxénicos importantes desta especie son Canicola, Icterohaemorrhagiae e Australis. L. interrogans é difícil de cultivar, require medios especiais e unha incubación prolongada.[1]

L. interrogans infecta a animais salvaxes e domésticos, incluídas mascotas. Os humanos poden ser hóspedes accidentais. Pode sobrevivir en auga neutra ou lixeiramente alcalina uns 3 meses ou máis.[1][2]

L. interrogans transmítese xeralmente aos humanos ao estar en contacto con urina dun animal infectado de forma directa ou na auga. A bacteria invade directamente o corpo a través de feridas na pel e pode replicarse no fígado e riles. Entre os factores de risco da infección están traballar en sumidoiros, agricultura, e as actividades recreativas acuáticas. A infección denomínase leptospirose (tamén causada por outras especies do xénero), a cal pode ser asintomática, ou unha enfermidade leve non específica, ou grave e mesmo mortal se causa danos importantes no fígado e insuficiencia renal (síndrome de Weil).[1]

Notas[editar | editar a fonte]

  1. 1,0 1,1 1,2 Black, Jacquelyn G. (2005). Microbiology: Principles & Explorations (6th ed.). Hoboken, NJ: John Wiley & Sons. pp. 583–584. ISBN 0-471-42084-0. 
  2. Ren SX, Fu G, Jiang XG, et al. (April 2003). "Unique physiological and pathogenic features of Leptospira interrogans revealed by whole-genome sequencing". Nature 422 (6934): 888–93. DOI:10.1038/nature01597. PMID 12712204. 

Véxase tamén[editar | editar a fonte]

Ligazóns externas[editar | editar a fonte]