Leo Makkonen

Leo Makkonen

Biografía
Nacemento	4 de xuño de 1948 (75 anos) Pielavesi, Finlandia
Arcebispo
Bispo ortodoxo de Helsinqui
Datos persoais
País de nacionalidade	Finlandia
Relixión	Cristianismo ortodoxo, Igrexa Ortodoxa Finlandesa e Igrexa ortodoxa de Constantinopla
Educación	Universidade de Joensuu (pt) (–1995) Joensuu Orthodox Seminary (en) (–1972)
Actividade
Ocupación	Pope , poeta
Lingua	Lingua carelia e lingua finesa
Premios (4 de xuño de 2018)  Order of Holy Prince Daniel of Moscow 2nd class (en)  Concedido por Cirilo I (27 de abril de 2016)  Cross of Merit of the War Invalides (en) (5 de maio de 2009)  Order of Prince Yaroslav the Wise, 5th class (en)  Concedido por Viktor Yushchenko (6 de decembro de 1999)  Commander of the Order of the White Rose of Finland (en)  Order of St. Mary Magdalene, 2nd class (en)  Medal for Military Merits (en)  Grand Cross of the Order of the Phoenix (en)  Commander First Class of the Order of the Lion of Finland (en)  Grand Cross of the Order of the Holy Lamb (en)  Q111164672  Order of Saint Mark of Alexandria (en)  Saint Henry Cross (en)  Order of Saint Mark of Alexandria (en)

Leo Makkonen, máis coñecido como arcebispo Leo, nado o 4 de xuño de 1948 en Pielavesi, é o primado da Igrexa ortodoxa finlandesa, arcebispo de Helsinqui e toda Finlandia e mais tamén poeta en lingua carelia.

Traxectoria

Educouse na súa localidade natal e en 1967 foi ao seminario ortodoxo en Kuopio para formarse como sacerdote. En 1973 o bispo ordenouno diácono e sacerdote. Traballou como profesor de relixión ortodoxa en Punkaharju e en Ilomantsin en 1972 e 1973. De 1973 ata 1979 foi párroco na cidade de Turku e en 1975 entrou no sínodo da Igrexa. En 1979 consagrárono bispo de Joensuu, cumprindo as leis canónicas de non estar casado ao enviuvar uns meses antes. Nese ano resultou elixido metropolitano da diocese de Oulu, asumindo as súas funcións o 1 de xaneiro de 1980 e nee ano entrou no consello de goberno da Igrexa. En 1995 graduouse en teoloxía e en 1996 converteuse en metropolitano de Helsinqui. En outubro de 2001 asumiu as funcións de arcebispo de Carelia e toda Finlandia e polo tanto primado da Igrexa ortodoxa finlandesa. En 2017 decidiuse trasladar a sede primada a Helsinqui e Leo pasou a ser o novo titular da sede en 2018 como arcebispo de Helsinqui e toda Finlandia.

Lingua carelia

Os pais de Leo Makkonen procedían de Salmí en Carelia e Leo aprendeu a lingua de meniño e cos anos converteuse nun activo defensor da lingua carelia, é o presidente da Asociación da Lingua Carelia dende a súa fundación en 1995, traduciu materiais litúrxicos ao carelio e é autor de varias coleccións de poesías que se publicaron coa tradución en finlandés.

Obra

Poesía

• Mustemat II. Karjalan Kielen seura, 2017
• "Katso eteesi, ylös ja korkealle = Kačo edeh, üläh da korgiel". Karjalan kielen seura, 2017
• Auringolla sen ollessa korkeimmalla – Päivypastos konzu päiväine korgevimal. Karjalan kielen seura, 2016.
• Metsätähti ja mies joka metsään lähti – Meččytiähti da mies kudai meččäh lähti. Karjalan kielen seura, 2015.
• Luondokuvat lapsih näh – Luontokuvia lapsille, Karjalan kielen seura, 2015.
• Selfie. Karjalan kielen seura, 2015.
• Tehtävä Roomassa – Ruado Riimas. Karjalan kielen seura, 2014.
• Mustelmat. Karjalan kielen seura, 2014.

Traducións litúrxicas

• Koin blahoslovindu. Karlajan kielen seura, 2017
• Jumalalline liturgii. Pühän Tuatan Iivan Krisostoman, Kuldsuun. Karlajan kielen seura, 2016 (tradución da Divina liturxia de San Xoán Crisóstomo)