Le Cinquième Élément
O quinto elemento | |
---|---|
Ficha técnica | |
Título orixinal | Le Cinquième Élément |
Director | Luc Besson |
Produtor | Patrice Ledoux |
Guión | Luc Besson Robert Mark Kamen |
Intérpretes | Bruce Willis Gary Oldman Milla Jovovich Chris Tucker Ian Holm |
Música | Éric Serra |
Fotografía | Thierry Arbogast |
Montaxe | Sylvie Landra |
Estudio | Gaumont |
Distribuidora | Gaumont Buena Vista International |
Estrea | 1997 |
Duración | 126 minutos |
Orixe | ![]() |
Xénero | Ciencia ficción |
Orzamento | $90 000 000[1] |
Recadación | $263 920 180[2] |
Na rede | |
http://www.sonypictures.com/movies/thefifthelement/ | |
![]() ![]() ![]() ![]() ![]() ![]() ![]() ![]() ![]() ![]() ![]() |
Le Cinquième Élément é un filme francés en lingua inglesa dirixido e escrito por Luc Besson que se estreou en 1997. Está protagonizado por Bruce Willis, Gary Oldman e Milla Jovovich. A historia está ambientada no século XXIII, momento no cal a supervivencia da Terra está en perigo, e Korben Dallas (Willis), un antigo soldado das forzas especiais, ten que coidar dunha rapaza chamada Leeloo (Jovovich) despois de que caese no seu taxi. Dallas axúdalle a Leeloo a facerse coas catro pedras místicas para defender a Terra dun ataque inminente.
Besson comezou a escribir a historia cando tiña 16 anos, e cando tiña 38, estreouse o filme no cinema. Besson quería rodar en Francia pero non puido atopar as localizacións precisas para facelo. No seu canto, a rodaxe tivo lugar en Londres e Mauritania. Os debuxantes de banda deseñada Jean Giraud e Jean-Claude Mézières, cuxos libros proporcionaron inspiración en partes do filme, foron contratados para o deseño de produción. O vestiario é obra de Jean Paul Gaultier.
Le Cinquième Élément recibiu maioritariamente críticas positivas, malia que tendeu a polarizar opinións. Foi considerado ó mesmo tempo a mellor e a peor super-produción de verán de tódolos tempos. O filme foi un éxito en recadación, conseguindo máis de $263 millóns sobre un orzamento de $90 millóns. No seu momento, foi o filme europeo máis caro xamais feito, e ficou como o filme francés con maior recadación ata a estrea de Intocable no 2011.
Sinopse
[editar | editar a fonte]En 1914, un arqueólogo e o seu socio atópanse no deserto de Exipto estudando uns gravados nas paredes dun templo antigo. Están preto de facer un gran descubrimento xa que os gravados din que cada 5000 anos chega á Terra un ser coñecido como "O Maligno". Un crego está a piques de detelos cando os Mondoshawah (unha raza alieníxena que busca axudar ós seres humanos mediante 4 pedras) aparecen para levar as pedras a un lugar máis seguro, debido a que non confían moito na raza humana, polo cal deciden darllas á diva Plavalaguna (cantante de ópera do Paraíso Fhloston). Esta raza alieníxena dille ó crego que transmita a súa información ás vindeiras xeracións, ata a súa volta dentro de 300 anos. Logo dese tempo, O Maligno volve ameazar a Terra coa axuda dun empresario tolo chamado Zorg.
Personaxes
[editar | editar a fonte]- Bruce Willis como Korben Dallas
- Gary Oldman como Jean-Baptiste Emanuel Zorg
- Milla Jovovich como Leeloo (Leeloominaï Lekatariba Lamina-Tchaï Ekbat De Sebat)
- Ian Holm como Vito Cornelius
- Chris Tucker como Ruby Rhod
- Charlie Creed-Miles como David
- Brion James como Xeneral Munro
- Tricky como Right Arm
- Tom Lister, Jr. como Presidente Lindberg
- Christopher Fairbank como Profesor Mactilburgh
- Lee Evans as Fog
- John Bluthal como Profesor Massimo Pacoli
- Luke Perry como Billy Masterson
- John Bennett como Sacerdote
- Kim Chan como Mr. Kim
- John Neville como Xeneral Staedert
- Al Matthews como Xeneral Tudor
- Maïwenn Le Besco como Diva Plavalaguna
Galardóns e nomeamentos
[editar | editar a fonte]- 1997: Nomeado ó Oscar: Mellores efectos de son.
- 1997: Premios BAFTA: Mellores efectos especiais visuais.
- 1997: 3 premios Cesar: Fotografía, deseño de produción, director. 8 nomeamentos.
- 1997: 2 nomeamentos ós Premios Razzie: Actriz secundaria (Jovovich) e nova estrela (Tucker).
Notas
[editar | editar a fonte]- ↑ "Dvdreview.com". Arquivado dende o orixinal o 14 de marzo de 2012. Consultado o 10 de febreiro de 2013.
- ↑ "The Fifth Element (1997)". Box Office Mojo. Consultado o 11 de decembro de 2014.
Véxase tamén
[editar | editar a fonte]Bibliografía
[editar | editar a fonte]- Bizony, Piers (2001). Digital Domain: The Leading Edge of Visual Effects. Londres: Aurum Press. ISBN 978-0-8230-7928-5.
- Hanson, Matt (2005). Building Sci-Fi Moviescapes: The Science Behind the Fiction. Waltham, Massachusetts: Focal Press. ISBN 978-0-240-80772-0.
- Hayward, Susan; Powrie, Phil (2009). The Films of Luc Besson: Master of Spectacle. Manchester: Manchester University Press. ISBN 978-0-7190-7029-7.
- Mazdon, Lucy (2000). Encore Hollywood: Remaking French Cinema. Londres: British Film Institute. ISBN 978-0-8517-0801-0.
- Mézières, Jean-Claude; Christin, Pierre (2004). "The Circles of Power". Valerian: The New Future Trilogy. Valérian: Spatio-Temporal Agent. Trans. Timothy Ryan Smith. New York: iBooks. ISBN 978-0-7434-8674-3.
- Besson, Luc (1997). The Story of the Fifth Element: The Adventure and Discovery of a Film. Londres: Titan Books. ISBN 978-1-85286-863-5.
Ligazóns externas
[editar | editar a fonte]- Páxina oficial (en inglés)
- Le Cinquième Élément na IMDb (en inglés).
- Ficha en TCM (en inglés)
- Ficha en AllMovie (en inglés)
- Ficha en RottenTomatoes (en inglés)
- Ficha en BoxOfficeMojo (en inglés)
- Ficha en Metacritic (en inglés)
- Filmes de 1997
- Filmes en lingua inglesa
- Filmes de Francia
- Filmes dirixidos por Luc Besson
- Filmes de Columbia Pictures
- Filmes de Pinewood Studios
- Filmes de Pathé
- Filmes de Gaumont Film Company
- Filmes sobre extraterrestres
- Filmes ambientados en 1914
- Filmes ambientados en Nova York
- Filmes ambientados en Exipto
- Filmes rodados en Mauritania