Latvijas Radio

Na Galipedia, a Wikipedia en galego.
Saltar ata a navegación Saltar á procura

Latvijas Radio (LR) (en galego: Radio Letonia) é o servizo público de radiodifusión de Letonia. A súa sede central está na capital, Riga. Comezou a emitir o 1 de novembro de 1925, é membro activo da Unión Europea de Radiodifusión (EBU-UER) dende 1993, e hoxe en día mantén varias emisoras de FM e dixitais.

Historia[editar | editar a fonte]

Sede de Latvijas Radio na Praza da Catedral, Riga

Nada en 1925 foi a pioneira da radio letoa e unha das 20 primeiras de Europa. Inicialmente emitía un par de horas diarias, mais a programación foise ampliando durante os primeiros anos combinando información, música (clásica e doutros xéneros) e contidos educativos e culturais. Dos pouco máis de 300 suscritores iniciais, pasou a máis de 155 000 en 1940[1]. Empregada como un medio de propaganda durante a ocupación nazi e soviética, comezou a liberarse do control da censura a finais da década de 1980 ao abeiro das reformas da Glasnost. No proceso de independencia de Letonia, en 1991, xogou un papel destacado na información e na organización das protestas pacíficas.

Mantivo o monopolio nas ondas letoas ata 1991 que se abreu a primeira emisora privada. Logo da anexión rusa de Crimea, Latvijas Radio reforzou a súa presenza na rexión de Latgalia, fronteiriza con Rusia, coa apertura duns estudios en Rēzekne en 2016. Ata 2021, a organización financiábase de forma mixta entre os ingresos da publicidade e as dotacións a conta do Estado, máis a partir dese ano, Latvijas Radio abandonou o mercado publicitario[2].

Antigo logotipo

Emisoras[editar | editar a fonte]

  • Latvijas Radio 1 (LR1): foi a primeira emisora do grupo e hoxe ten unha programación xeneralista centrada na cobertura informativa.
  • Latvijas Radio 2 (LR2): emite música en lingua letoa.
  • Latvijas Radio 3 - Klasica (LR3): especializada na música clásica, no aire dende 1996[3].
  • Latvijas Radio 4 - Doma Laukums (LR4): emisora en ruso.
  • Latvijas Radio 5 - Pieci.lv (LR5): radio para a mocidade centrada na emisión musical, conta cunha emisora de fm a nivel nacional e varias canles de streaming segundo o xénero musical, incluíndo un en latgalo. Comezou a emitir en 2013 no medio de polémica polo seu custo. No Nadal, desenvolve un maratón benéfico no que emite peticións musicais dos oíntes a cambio dunha doazón de 5 para un proxecto de axuda social. Esta iniciativa chámase "Dod pieci!"[4] (en galego: dáme cinco).
  • Latvijas Radio 6 - Radio NABA (LR6): emisora universitaria en colaboración coa Universidade de Letonia centrada na retransmisión de música non comercial dende 2002[5].

Ademais, Latvijas Radio conta cunha popular sección de teatro radiofónico[6] e, en 1940, fundou o Coro da Radio Letoa[7], que participa nos máis prestixiosos festivais.

Notas[editar | editar a fonte]

  1. "Latvia: Radio". Media Landscape. Consultado o 31-1-2021. 
  2. "Public media exits the advertising market". LSM. Consultado o 31-1-2021. 
  3. "Latvian Radio 3 celebrates a classic 25 years with a memorable concert". LSM. Consultado o 31-1-2021. 
  4. "Dod Pieci Latvijas Radio". dod.pieci.lv. Consultado o 31-1-2021. 
  5. "About". www.naba.lv. Consultado o 2021-01-31. 
  6. "Things of Latvia: Latvian Radio Theater". eng.lsm.lv (en inglés). Consultado o 2021-01-31. 
  7. "Choir - Latvian Radio Choir". www.radiokoris.lv. Consultado o 2021-01-31. 

Véxase tamén[editar | editar a fonte]

Ligazóns externas[editar | editar a fonte]