Larbi Ben M'hidi
  | |||||||||||||||||
| Nome orixinal | (ar) العربي بن مهيدي (tzm) ⵎⵃⵎⵎⴷ ⵍⵄⵔⴱⵉ ⵓⵎⵀⵉⴷⵉ | ||||||||||||||||
|---|---|---|---|---|---|---|---|---|---|---|---|---|---|---|---|---|---|
| Biografía | |||||||||||||||||
| Nacemento | 1923 Aïn M'lila, Alxeria (pt)  | ||||||||||||||||
| Morte | 4 de marzo de 1957 (33/34 anos) Alxer | ||||||||||||||||
| Causa da morte | Homicidio (Enforcamento ) | ||||||||||||||||
| Datos persoais | |||||||||||||||||
| Relixión | Islam | ||||||||||||||||
| Actividade | |||||||||||||||||
| Ocupación | político , militar | ||||||||||||||||
| Partido político | Algerian People's Party (en) | ||||||||||||||||
| Lingua | Língua chaouis (pt) , lingua francesa e árabe | ||||||||||||||||
| Carreira militar | |||||||||||||||||
| Conflito | Guerra de Alxeria | ||||||||||||||||
| |||||||||||||||||
Larbi Ben M'hidi, (en árabe: العربي بن مهيدي) nado en 1923 e finado o 4 de marzo de 1957, tamén coñecido como Si Larbi ou simplemente como Ben M'hidi, foi un destacado líder revolucionario alxerino durante a guerra de independencia de Alxeria. É un dos seis membros fundadores da Front de Libération Nationale que lanzou unha revolta armada en toda Alxeria e emitiu unha proclama pedindo unha Alxeria como estado soberano.
Ben M'hidi comandaba inicialmente a Wilaya V (o distrito militar da rexión de Orán) e desempeñou un papel importante na conferencia de Soummam do FLN en agosto de 1956. Dirixiu as operacións do FLN durante a batalla de Alxer onde foi o último membro do Comité de Coordination et d'Execution (CCE; Comité de Coordinación e Implementación) da FLN. Ben M'hidi cría firmemente en que a revolución debería estar dirixida por revolucionarios "internos" e non "externos".[1]
Foi capturado por paracaidistas franceses en febreiro de 1957. A súa morte foi anunciada en marzo de 1957 por Pierre Gorlin, o responsable de prensa de Robert Lacoste. Os acontecementos que rodearon a súa morte foron discutidos e moitos afirmaron que foi torturado antes de ser executado sumariamente. Moitos dos que o coñecían, descartaron a posibilidade de que el mesmo se quitase a vida, segundo informaron os medios, pola súa devoción polo islam, que prohibe o suicidio. En 2000, o xeneral Aussaresses admitiu que Ben M'hidi foi executado mentres estaba baixo a súa custodia. Porén, a verdade exacta sobre a súa morte segue sendo un misterio ata hoxe. Ben M'hidi é considerado un heroe nacional en Alxeria e é considerado un símbolo da revolución que puxo fin ao colonialismo francés.
Notas[editar | editar a fonte]
- ↑ Naylor, Phillip C. (2006). Historical Dictionary of Algeria. Scarecrow Press. p. 117. ISBN 978-0810853409.
Véxase tamén[editar | editar a fonte]
Bibliografía[editar | editar a fonte]
- Horne, Alistair (2006). A Savage War of Peace: Algeria 1954-1962 (New York Review Books Classics). NYRB Classics. ISBN 978-1590172186.
- Aussaresses, Paul (2010). The Battle of the Casbah: Terrorism and Counter-Terrorism in Algeria, 1955–1957. New York: Enigma Books. ISBN 978-1-929631-30-8.
- Djebar, Assia (2001). Algerian White. Seven Stories Press. ISBN 978-1583220504.
- Singer, Barnett; Langdon, John (2008). Cultured Force: Makers and Defenders of the French Colonial Empire. University of Wisconsin Press. ISBN 978-0-299-19904-3.
