Julio Carballo Enríquez

Na Galipedia, a Wikipedia en galego.
Saltar ata a navegación Saltar á procura
Julio Carballo Enríquez
Julio Carballo Enríquez 1910.jpg
Nacemento9 de outubro de 1861
Lugar de nacementoXinzo de Limia
Falecemento26 de maio de 1928
Lugar de falecementoBuenos Aires
NacionalidadeEspaña
Ocupaciónxornalista
FillosJulio Carballo Romero
editar datos en Wikidata ]

Julio Carballo Enríquez, nado en Xinzo de Limia o 9 de outubro de 1861 e finado en Buenos Aires o 26 de maio de 1928,[1] foi un avogado e xornalista galego.

Traxectoria[editar | editar a fonte]

Estudou o bacharelato e Peritaxe Mercantil en Ourense. Licenciado en Dereito pola Universidade de Santiago de Compostela, gañou en 1888 a praza de catedrático de Dereito Administrativo e Economía Política da Universidade de San José de Costa Rica. Alí exerceu como redactor da revista xudicial El Foro. En 1891 regresou a Ourense, dedicouse á avogacía, obtivo o cargo de tenente fiscal da Audiencia Provincial e ingresou no Partido Republicano. Foi redactor de El Eco de Orense e dirixiu o semanario La República. En 1910 marchou a Buenos Aires como correspondente de Vida Gallega e Noticiero de Vigo. Traballou como redactor en La Nación e colaborou en Acción Gallega, Suevia e Correo de Galicia, que dirixiu nunha breve etapa en 1911.[2] Vinculado á Casa de Galicia, foi membro do comité antiforal de Buenos Aires e fundou a agrupación antiforal A Terra.

Vida persoal[editar | editar a fonte]

Casou en Xinzo de Limia en 1885 con Adela Romero Peláez, e foi pai de Julio Carballo Romero.

Notas[editar | editar a fonte]

  1. Correo de Galicia, 3-6-1928, p. 3.
  2. Correo de Galicia, 3-6-1928, p. 3.

Véxase tamén[editar | editar a fonte]

Bibliografía[editar | editar a fonte]