Julia Varela

Na Galipedia, a Wikipedia en galego.
Saltar ata a navegación Saltar á procura
Julia Varela
Julia Varela.jpg
Julia Varela en abril de 2015.
Nome completoJulia Varela Ruano
Nacemento30 de xuño de 1981 (40 anos)
Lugar de nacementoPontevedra
NacionalidadeEspañola
Alma máterUniversidade Complutense de Madrid e IES Sánchez Cantón
OcupaciónXornalista e presentadora
editar datos en Wikidata ]

Julia Varela Ruano, nada o 30 de xuño de 1981 en Pontevedra, é unha presentadora de radio e reporteira de televisión galega.[1]

Traxectoria[editar | editar a fonte]

Estudou no IES Sánchez Cantón e despois de graduarse en xornalismo pola Universidade Complutense de Madrid comezou a traballar na RTVE en 2005 como locutora e redatora nos Servizos Informativos da RNE para a Radio Exterior de España. En 2008, pasou a ser locutora e redatora de Radio 3 en programas como Siglo 21, 180 Grados ou Los Conciertos de Radio 3, e na retransmisión de distintos festivais de música. Desde 2013, Varela traballa como reporteira para TVE en programas como Comando actualidad e La mañana de La 1; neste último tamén colabora como comentarista da sección de espectáculos.

Nas edicións 2015,[2] 2016[3] e 2017 do Festival de Eurovisión, Varela foi a comentarista para TVE xunto con José María Íñigo. Varela e Íñigo comentaron tamén a gala especial Eurovision Song Contest's Greatest Hits, que conmemorou o 60º aniversario do Festival de Eurovisión en 2015. Na edición de 2018 compartirá o micrófono co locutor da emisora de radio LOS40, Tony Aguilar.[4]

Desde o 31 de agosto de 2020 dirixe e presenta en RNE o espazo vespertino Tarde lo que tarde.[5]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]