José Ces Caamaño
  | |
| Biografía | |
|---|---|
| Nacemento | c. 1913 Taragoña, España |
| Morte | 8 de setembro de 1936 (22/23 anos) A Ponte Beluso, España |
| Causa da morte | paseo, ferida por arma de fogo |
| Actividade | |
| Ocupación | mineiro, pescador, transportista |
 | |
José Ces Caamaño, coñecido como O Lorcho, nado en Taragoña (Rianxo) en 1913 e finado na Ponte Beluso (Boiro) o 8 de setembro de 1936[1] foi un sindicalista e mineiro galego.
Traxectoria
[editar | editar a fonte]Mariñeiro, gañaba a vida indo a pescar nunha dorna, que deixou para incorporarse ó servizo militar. Cando regresou dedicouse ó transporte de madeira en barco, entre outros portos, a Vilagarcía de Arousa. Posteriormente traballou nas minas de San Fins extraendo volframio. Nas minas, ó igual que os seus compañeiros, afiliouse á CNT.[1]
Tralo golpe de Estado do 18 de xullo de 1936 os mineiros acordaron cortarlle o paso ós militares que viñesen de Santiago de Compostela, rebentando con explosivos unha das arcadas da ponte do río Beluso. Deste acto foron inculpados os mineiros, entre eles José Ces Caamaño, xunto co cenetista José Saavedra García, Ricardo Vilas Quintáns, Francisco Tubío Vicente[2] e mais Celestino Horta Resúa.[1]
Estivo fuxido, agochado no monte, de cando en vez aparecía pola noite na súa casa ou na dalgún parente para durmir. Foi capturado tras acudir ó enterro dun parente, metérono nun coche e pegáronlle uns tiros na Ponte Beluso, onde deixaron o seu corpo. Foi soterrado no cemiterio de Bealo.[1]
Vida persoal
[editar | editar a fonte]Casou ós 20 anos con Dorinda Lorenzo Otero, peixeira, que levaba o peixe a vender polas aldeas da contorna, con quen tivo dous fillos.[1]
Notas
[editar | editar a fonte]- ↑ 1,0 1,1 1,2 1,3 1,4 Os paseados en Rianxo (1936-1939) 2022, José Ces Caamaño "O Lorcho".
- ↑ Rodríguez Gallardo 2022, p. 258.
Véxase tamén
[editar | editar a fonte]Bibliografía
[editar | editar a fonte]- Comoxo Rodríguez, Xosé; Santos Suárez, Xesús (2010). Rianxo na súa historia. Consecuencias da Guerra Civil (1936-1939). Deputación da Coruña. p. 400. ISBN 978-84-9812-120-9.
- Os paseados en Rianxo (1936-1939). CRMH Barbanza. Concello de Rianxo. 2022. Consultado o 18-10-2024.
- Rodríguez Gallardo, Antón (2022). A Segunda República en Boiro (1931-1936). Entre o caciquismo inmobilista e a mobilización socio política da xente do común (PDF). Deputación da Coruña. ISBN 978-84-9812-394-4. Depósito legal: C-385-2022.
