Josefa Gallego Abeledo
| Josefa Gallego Abeledo | |
|---|---|
| Nome completo | Josefa Gallego Abeledo |
| Nacemento | 1919 |
| Mugardos | |
| Falecemento | 2005 |
| Mugardos | |
| Nacionalidade | España |
| Ocupación | guerreira |
| [ editar datos en Wikidata ] | |
Josefa Gallego Abeledo, nada en Mugardos en 1919 e finada no mesmo concello en 2005, foi unha guerrilleira antifranquista galega.
Traxectoria[editar | editar a fonte]
O seu pai Manuel Gallego Durán e o seu tío Antonio Gallego Durán foron asasinados polos franquistas en 1936. Xunto cos seus irmáns María, Clementina e Juan Gallego Abeledo, coñecidos como Os Buzos, incorporouse á guerrilla. Comezou colaborando cos fuxidos. Cando a presión se fixo insoportable integrouse coa súa irmá María na IV Agrupación do Exército Guerrilleiro de Galicia. O 20 de agosto de 1951 salvou a vida nunha redada cando estaba agochada na Cruz de Meá (Mugardos) nunha cova na casa de Dolores Loureda. Pasou tempo agochada coa súa irmá María e outros guerrilleiros no refuxio de Goente (As Pontes de García Rodríguez). O 27 de setembro de 1951 foi detida no seu domicilio dos Casás por unha confidencia. Xulgada en consello de guerra foi condenada a 23 anos de cadea, que finalmente quedaron reducidos a 10. Estivo nas prisións de Segovia e Alcalá de Henares. Ao saír pasou dous anos no País Vasco. Marchou a Francia, casou con José Fernández Dopico e instalouse en Gien. Ao enviuvar volveu casar con Henry Georges Gentiliny. Os tres últimos anos de vida pasounos en Mugardos.
Véxase tamén[editar | editar a fonte]
Bibliografía[editar | editar a fonte]
- Marco, Aurora (2007). Dicionario de Mulleres Galegas. Vigo: A Nosa Terra. pp. 178–179. ISBN 978-84-8341-146-9.
