José del Peso Sevillano

Na Galipedia, a Wikipedia en galego.
José del Peso Sevillano
Nacemento1895
Lugar de nacementoLa Campana
NacionalidadeEspaña
Ocupaciónmestre, inspector de educación e político
editar datos en Wikidata ]

José del Peso Sevillano, nado en La Campana (Sevilla) cara a 1895, foi un mestre e político español.

Traxectoria[editar | editar a fonte]

Foi nomeado inspector de ensinanza primaria da provincia de Lugo en xaneiro de 1923. A Junta para Ampliación de Estudios concedeulle unha pensión para Suíza (de outubro de 1925 a marzo de 1926) onde se dedicou ao estudo da psicoloxía experimental e a orientación profesional. Masón, foi membro da loxa Lucus nº 5. Presidente da Organización Republicana Lucense (1930), participou no pacto de Lestrobe. Foi trasladado á provincia de Huelva a finais de 1930. Foi nomeado Inspector de ensinanza da provincia de Cádiz en setembro de 1932 e en xuño de 1935 pasou á provincia de Córdoba. Logo do golpe de Estado do 18 de xullo de 1936 foi depurado. O seu expediente de depuración resolveuse en xullo de 1942 coa sanción de separación definitiva do servizo e baixa na escala.[1] Sufriu expediente de responsabilidades políticas.

Vida persoal[editar | editar a fonte]

Casou en Becerreá con Carmen Pérez Rosón, sobriña de Eduardo Rosón López, en xullo de 1927.[2]

Notas[editar | editar a fonte]

  1. BOE, 27-8-1942, p. 6524.
  2. La Provincia, 17-7-1927, p. 1.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]