José Regal Vázquez

Na Galipedia, a Wikipedia en galego.
José Regal Vázquez
Nacemento1917
Lugar de nacementoMariz
Falecemento20 de novembro de 2007
Lugar de falecementoChantada
NacionalidadeEspaña
Ocupaciónmédico e político
editar datos en Wikidata ]

José Regal Vázquez, nado en Mariz (Chantada) en 1917 e finado no mesmo concello o 20 de novembro de 2007, foi un médico e político galego.

Traxectoria[editar | editar a fonte]

Estudou o Bacharelato Universitario e Maxisterio e fíxose médico especialista en odontoloxía. Foi dentista en Chantada. Foi fundador de Falange, combateu no bando sublevado na guerra. Foi nomeado alcalde de Chantada a finais de febreiro de 1964,[1] tomando posesión o 2 de marzo. Cesou o 25 de marzo de 1975. Logo da morte de Franco afiliouse á Unión de Centro Democrático e foi elixido conselleiro da Xunta preautonómica por designación da Deputación. Nas primeiras eleccións democráticas foi elixido concelleiro e foi o líder de UCD en Chantada. Despois integrouse en Coalición Galega e recalou finalmente en Alianza Popular. En 1995 abandonou a política.


Predecesor:
José Manuel Vázquez Yebra
 Chantada.svg
Alcalde de Chantada
 
1964 - 1975
Sucesor:
Jose Luís Fernández Pedreira


Vida persoal[editar | editar a fonte]

Casou con Araceli Gómez González.[2]

Notas[editar | editar a fonte]

  1. El Progreso, 28-2-1964, p. 7.
  2. La Voz de Galicia, 21-11-2007, p. 51.

Véxase tamén[editar | editar a fonte]

Ligazóns externas[editar | editar a fonte]