José Manuel Silva Losada
| Biografía | |
|---|---|
| Nacemento | 1897  Cambados, España |
| Morte | século XX valor descoñecido |
 Alcalde de Cambados | |
| 15 de marzo de 1936 – xullo de 1936 ← Juan Salgado Pérez – Manuel Silva Núñez → | |
| Datos persoais | |
| Outros nomes | Sakuska |
| Actividade | |
| Ocupación | empresario, político |
 | |
José Manuel Silva Losada, coñecido como Sakuska, nado en Cambados cara a 1897, foi un empresario e político galego.
Traxectoria
[editar | editar a fonte]Emigrante na Arxentina, ao seu regreso foi propietario da empresa de autobuses Plus Ultra, que cubría a liña entre Cambados e Pontevedra. Posteriormente montou o Café Sakuska e máis tarde puxo un coche de servizo público. Secretario da Agrupación Socialista de Cambados, co triunfo da Fronte Popular nas eleccións de febreiro de 1936, foi nomeado concelleiro e elixido alcalde de Cambados o 15 de marzo.[1]
Co golpe de Estado do 18 de xullo de 1936 foi detido. O 24 de setembro foi posto a disposición do comandante militar de Pontevedra polo delegado de Orde Pública xunto a Elías Porto Trigo e Antonio Chaves del Río, detidos no cárcere de Cambados. Foi xulgado en Consello de guerra o 10 de decembro de 1936, con Antonio Chaves del Río, Peregrino Pontevedra González, Juan José Varela Oubiña, Manuel Bugallo Martínez e Manuel Martínez Piñeiro.[2] Condenado a cadea perpetua, pasou polo campo de concentración da illa de San Simón, foi trasladado ao Forte de San Cristovo de Pamplona en maio de 1937,[3] para finalmente cumprir condena na Prisión Central de Figueirido dende xullo de 1940, de onde saíu en liberdade provisional en 1941.[4] Despois dedicouse a seguros, representacións e outros negocios.[5]
| Predecesor: Juan Salgado Pérez |
Alcalde de Cambados 1936 |
Sucesor: Manuel Silva Núñez |
Notas
[editar | editar a fonte]- ↑ El Pueblo Gallego, 18-3-1936, p. 15.
- ↑ El Pueblo Gallego, 11-12-1936, p. 9.
- ↑ "Silva Losada, José Manuel". Los presos del penal de Ezcaba.
- ↑ "Orden de 2 de septiembre de 1941 por la que se concede libertad condicional provisional a ciento ochenta y ocho penados", BOE, 24-9-1941, p. 7374.
- ↑ Manolo Silva corrixe á prensa
Véxase tamén
[editar | editar a fonte]Bibliografía
[editar | editar a fonte]- Domínguez Pereira, Jacobo (2004). Un pobo deitado ó sol, á beira do mar. A Segunda República en Cambados. Cambados: CANDEA. ISBN 84-920310-9-3.
