José López Varela
  | |
| Biografía | |
|---|---|
| Nacemento | 19 de decembro de 1893 Ramil, España |
| Morte | 8 de setembro de 1981 (87 anos) Madrid, España |
 Deputado nas Cortes republicanas | |
| 1 de decembro de 1933 – 7 de xaneiro de 1936 Lexislatura: II lexislatura da Segunda República Española Circunscrición electoral: Pontevedra | |
| Deputado nas Cortes republicanas | |
| 9 de xullo de 1931 – 9 de outubro de 1933 Lexislatura: I lexislatura da Segunda República Española Circunscrición electoral: Pontevedra | |
| Datos persoais | |
| País de nacionalidade | España |
| Actividade | |
| Lugar de traballo | Madrid Vigo |
| Ocupación | mestre , político , avogado , inspector de educación |
| Lingua | Lingua castelá |
José López Varela, nado en Ramil (Tirimol, Lugo)[1] o 19 de decembro de 1893[2] e finado en Madrid o 8 de setembro de 1981, foi un mestre, avogado e político galego.
Traxectoria[editar | editar a fonte]
Estudou o Bacharelato e Maxisterio en Lugo. Tamén foi músico na Banda de Ramil que dirixía o seu pai. Aprobou as oposicións de Maxisterio e foi destinado como mestre á Escola Nacional do Areal de Vigo en 1916. Colaborou en Galicia e foi nomeado presidente da Asociación de Mestres de Vigo en 1927.[3] Membro do Partido Republicano Radical, foi deputado pola provincia de Pontevedra nas eleccións a Cortes Constituíntes de 1931. En novembro de 1932 aprobou as oposicións a inspector de Primeiro Ensino e foi destinado a Ourense.[4] Volveu ser elixido deputado nas eleccións xerais de 1933.[5] En outubro de 1931, nos debates previos da Constitución de 1931, manifestouse partidario da educación laica e do divorcio;[6] votou en contra do sufraxio feminino.[7] En maio de 1935 criticou en Cortes o proxecto de Lei de Prensa defendido pola CEDA elaborado orixinalmente polo ministro radical Eloy Vaquero sinalando que causaría un «enorme dano».[8] Foi nomeado Director Xeral de Primeira Ensinanza a finais de 1935 e despois Subsecretario de Traballo e Acción Social. Nas eleccións de febreiro de 1936 integrouse na candidatura de Centro de Portela Valladares, pero non resultou elixido.
Co golpe de Estado do 18 de xullo de 1936 foi detido en Vigo. Foi separado do servizo como inspector de primeiro ensino e dado de baixa no posto en 1937.[9] Foi sancionado economicamente polo Tribunal de Responsabilidades Políticas en 1941 e con inhabilitación de 3 anos para exercer cargo público.[10] Incorporouse como profesor ao Colexio Labor. Estudou por libre a carreira de Dereito licenciándose o 6 de xuño de 1940. Cursou tamén Farmacia, licenciándose o 17 de xuño de 1941. No franquismo exerceu como avogado en Vigo. Tamén foi farmacéutico. A mediados dos anos sesenta recuperou o seu posto de inspector de Ensino Primario logo dun recurso contencioso administrativo fallado no Tribunal Supremo, sendo destinado á provincia da Coruña. Xubilouse ao cabo de dous anos.
Vida persoal[editar | editar a fonte]
Casou en Vigo coa tamén mestra Avelina Josefa Soto Valenzuela, irmá de Xavier Soto Valenzuela, en 1923.[11]
Notas[editar | editar a fonte]
- ↑ El Progreso, 21-1-1936, p. 1 .
- ↑ El Financiero, 18-1-1936, p. 5.
- ↑ El Noticiero Gallego, 25-10-1927, p. 2.
- ↑ El Pueblo Gallego, 10-11-1932, p. 10.
- ↑ ABC, 22-11-1933
- ↑ Arbeloa 2006, p. 131.
- ↑ Pereira Martínez 2004, p. 274.
- ↑ Townson 2000, p. 304.
- ↑ El Pueblo Gallego, 18-5-1937, p. 10.
- ↑ El Correo Gallego, 4-10-1941, p. 7.
- ↑ El Progreso, 22-8-1923, p. 2.
Véxase tamén[editar | editar a fonte]
 |
Wikimedia Commons ten máis contidos multimedia na categoría: José López Varela |
Bibliografía[editar | editar a fonte]
- Arbeloa, Víctor Manuel (2006). La Semana Trágica de la Iglesia en España (8-14 octubre de 1931). Madrid: Ediciones Encuentro.
- Martín, Gerardo (2017). Diccionario de vigueses (1875-1945). Retazos de historia local a través de la vida de más de 1700 personajes. Pontevedra: Deputación Provincial. pp. 541–543. ISBN 978-84-8457-448-4.
- Townson, Nigel (2000). "The Crisis of Democracy in Spain: Centrist Politics Under the Second Republic, 1931-1936". Brighton y Portland: Sussex Academic Press. ISBN 1-898723-19-2.
- Pereira Martínez, Carlos (2004). "A Familia Poza: un exemplo de republicanismo e librepensamento en Pontevedra" (PDF). Anuario Brigantino (Betanzos: Concello de Betanzos) (27): 265–312. ISSN 1130-7625.
