José López Armesto

Na Galipedia, a Wikipedia en galego.
Saltar ata a navegación Saltar á procura
José López Armesto
Nacemento1903
 Paradela
Falecemento16 de decembro de 1982
 Monforte de Lemos
NacionalidadeEspaña
Ocupaciónpolítico
IrmánsElías López Armesto
editar datos en Wikidata ]

José López Armesto, nado en Paradela en 1903 e finado en Monforte de Lemos o 16 de decembro de 1982,[1] foi un político galego.

Traxectoria[editar | editar a fonte]

Irmán de Elías López Armesto. Emigrou moi novo a Cuba e despois a Nova York, onde traballou nun hotel e na firma de ascensores Otis. Nunha viaxe a Paradela decidiu casar e instalou un comercio. Na II República foi elixido alcalde de Paradela en abril de 1933, militando no Partido Republicano Gallego. Integrado en Izquierda Republicana, logo do triunfo do Frente Popular en febreiro de 1936, foi reposto no cargo. Logo do golpe de Estado do 18 de xullo de 1936 estivo fuxido e agochado en Reiriz xunto ao alcalde de Sarria Antonio Páramo Sánchez. Ao rematar a guerra entregouse e ingresou no cárcere de Lugo o 8 de marzo de 1940. Foi xulgado en Lugo por auxilio á rebelión, resultando a súa causa con sobresemento provisional. Instalouse en Monforte de Lemos, onde montou un bar e ultramarinos, a foritería Bóveda. Alí morreu en decembro de 1982, ao ser atropelado nun paso de peóns.


Predecesor:
José Ramón Dosio López
 Escudo de Paradela.svg
Alcalde de Paradela
 
1933 - 1934
Sucesor:
?


Predecesor:
?
 Escudo de Paradela.svg
Alcalde de Paradela
 
1936
Sucesor:
?


Notas[editar | editar a fonte]

  1. La Voz de Galicia, 18-12-1982, p. 38

Véxase tamén[editar | editar a fonte]

Ligazóns externas[editar | editar a fonte]