José Calavera Ruiz

Na Galipedia, a Wikipedia en galego.
Saltar ata a navegación Saltar á procura
José Calavera Ruiz
José Calavera Ruiz.jpg
Nacemento1931
 Melilla
NacionalidadeEspaña
Alma máterEscuela Técnica Superior de Ingenieros de Caminos, Canales y Puertos (Universidad Politécnica de Madrid)
Ocupacióncatedrático de universidade
PremiosMedalla García-Cabrerizo, doutor honoris causa, doutor honoris causa e Prêmio Internacional de Mérito em Engenharia Estrutural
editar datos en Wikidata ]

José Calavera Ruiz, nado en Melilla en 1931, é un catedrático e enxeñeiro de Obras Públicas e Camiños español.

Traxectoria[editar | editar a fonte]

Estudou na Escuela de Ingeniería de Obras Públicas de Madrid, sendo primeiro da súa promoción, e na Escuela Técnica Superior de Ingenieros de Caminos, Canales y Puertos de Madrid, da actual Universidad Politécnica de Madrid, na que tamén se doutorou, e que lle outorgou a Cátedra de Edificación e Prefabricación. Na actualidade é Catedrático Emérito. Asemade, foi presidente do Instituto Técnico de Materiales y Construcciones (INTEMAC), e na actualidade é o seu Presidente de Honor.

Tamén é membro da "Commission on Prefabrication" da Federatión Internationale du Béton (FIB), asesor para Europa do "International Council on Tall Buildings", Membro de Honor da Facultade de Enxeñaría de la Pontificia Universidad Católica de Chile (1980) e Doutor Honoris Causa da Universidad Politécnica de Valencia (1992).

Deseñou o Teleférico de Fuente Dé e o Monumento al Indiano, ambos en Cantabria, as cubertas do desaparecido pavillón de deportes da antiga cidade deportiva do Real Madrid, da fábrica de cervexas Mahou de Madrid, e do Mercado Nacional de Torrelavega. Ademais deseñou numerosas instalacións industriais, en particular papeleiras, siderúrxicas e de prefabricados.

Tamén ten publicado numerosos libros entre os que destacan os relativos ó cálculo de estruturas e ó formigón armado e formigón pretensado e o cálculo das súas armaduras.

No 1975 outorgóuselle o Premio da Convención Europea da Construción Metálica Sercometal, no 1990 a Medalla Eduardo Torroja, no 1999 a Medalla da Federation International du Béton (F.I.B.) e no 2000 o Premio “Grandes Figuras da Enxeñaría” da Asociación Italiana da Prefabricación (CTE).

O 2 de setembro de 2012 foi recoñecido co título de fillo adoptivo de Ribadeo, vila coa que ten fortes lazos familiares, sociais e profesionais.

Véxase tamén[editar | editar a fonte]

Ligazóns externas[editar | editar a fonte]

C.V.