José Araújo Pérez (político)

Na Galipedia, a Wikipedia en galego.
José Araújo Pérez
Nacemento1903
Lugar de nacementoVigo
Falecemento21 de outubro de 1936
Lugar de falecementoVigo
NacionalidadeEspaña
Ocupaciónempresario e político
PaiJosé Araújo Pérez
editar datos en Wikidata ]

José Araújo Pérez, nado en Vigo en 1903 e finado na mesma cidade o 21 de outubro de 1936, foi un político galego.

Traxectoria[editar | editar a fonte]

Fillo do canteiro e construtor socialista José Araújo Pérez. Perito industrial e aparellador. Logo da morte do seu pai en 1929, encargouse da dirección da construtora.[1] Militante das JSU. Foi candidato do PSOE por Pontevedra ás eleccións de novembro de 1933, pero non resultou elixido. Pertenceu ao Comité Revolucionario de Vigo durante a revolución de outubro de 1934. Co golpe de Estado do 18 de xullo de 1936 foi detido. Xulgado en Vigo por rebelión militar o 13 de outubro,[2] foi condenado a pena de morte. Foi executado en Vigo con Delmiro Faro Pregal, Teodoro Barros Barros, Antero González González e José Barcia Barcia, ás 16:30 horas do 21 de outubro de 1936, nas inmediacións do Castelo do Castro,[3] rexistrándose a morte a causa de profusa hemorraxia interna. En xullo de 1940 abríronlle expediente por responsabilidades políticas.[4]

Vida persoal[editar | editar a fonte]

Casou con María del Pilar Alonso Villiato en decembro de 1930.[5]

Notas[editar | editar a fonte]

  1. El Pueblo Gallego, 5-9-1929, p. 2.
  2. El Pueblo Gallego, 12-10-1936, p. 3.
  3. El Pueblo Gallego, 22-10-1936, p. 3.
  4. El Pueblo Gallego, 4-6-1940, p. 6.
  5. El Pueblo Gallego, 23-12-1930, p. 4.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]