Jorge Casado

Casado
Información persoal
Nome	Jorge Casado Rodríguez
Nacemento	26 de xuño de 1989
Lugar de nacemento	Madrid
Altura	1,83 m.
Posición	Lateral esquerdo
Información de club
Club actual	Rayo Majadahonda
Número	3
Carreira xuvenil
1996–2000	AD VIla Rosa
2000–2008	Rayo Vallecano
Carreira sénior
Anos	Equipos	Aprs	(Gls)
2008–2010	Rayo Vallecano B	55	(0)
2010–2014	Real Madrid Castilla	124	(8)
2011	Real Madrid	0	(0)
2014–2015	Betis	15	(0)
2015–2016	Ponferradina	35	(0)
2016–2017	Zaragoza	18	(1)
2017–2019	Xanthi	51	(2)
2020	Xanthi	17	(0)
2021–	Rayo Majadahonda	73	(5)
Na rede
Partidos e goles só en liga doméstica. Club: actualizado a 25 de marzo de 2024. [ editar datos en Wikidata ]

Jorge Casado Rodríguez, nado en Madrid o 26 de xuño de 1989, é un futbolista español que xoga como lateral esquerdo no Rayo Majadahonda, da Primeira División RFEF.

Traxectoria

Formouse como futbolista na canteira do Rayo Vallecano e foi subindo polas diferentes categorías inferiores do club ata debutar co Rayo Vallecano B na Tercera División en 2008.

Despois de dous anos no filial do Rayo, no verán de 2010 fichou polo Real Madrid Castilla, da Segunda División B. Na súa segunda tempada no filial madridista logrou o ascenso á Segunda DIvisión e debutou co primeiro equipo do Real Madrid nun partido da Copa do Rei ante a Ponferradina no Santiago Bernabéu, encontro no que foi aliñado como titular por José Mourinho.

Xogou dous anos en Segunda, ata que en 2014 fichou polo Real Betis, co que conseguiu o ascenso á Primeira División. En xullo de 2015 rescindiu o seu contrato co club andaluz e asinou como novo xogador da Ponferradina, tamén en Segunda, sendo titular na maioría de partidos da tempada 2015/16.

Despois dunha campaña no Zaragoza e dun tempo no Xanthi FC da Superliga de Grecia, en agosto de 2020, fichou polo Rayo Majadahonda, da Segunda División B.