Jorge Cadete

Jorge Cadete

Biografía
Nacemento	27 de agosto de 1968 (56 anos) Pemba, Mozambique (pt)
Altura	177 cm
Peso	65 kg
Actividade
Ocupación	futbolista
Período de actividade	1987 - 2007
Nacionalidade deportiva	Portugal
Deporte	fútbol
Posición de xogo	Dianteiro
Traxectoria   Equipo 1987–1995   Sporting CP 164 (62) 1988–1989 → cesión:  Vitória Futebol Clube 29 (8) 1994–1995 → cesión:  Brescia Calcio 13 (1) 1996–1997 Celtic F.C. 37 (30) 1997–1998   Celta de Vigo 36 (8) 1999–1999 → cesión:  Bradford City Association Football Club 7 (0) 1999–2003 Sport Lisboa e Benfica 19 (3) 2000–2000 → cesión:  Bradford City Association Football Club 7 (0) 2000–2001 → cesión:  CF Estrela da Amadora 28 (2) 2004–2004 Partick Thistle F.C. 5 (0) 2004–2005 Clube Desportivo Pinhalnovense 4 (0)   Selección nacional 1989–1989   Portugal sub-21 2 (0) 1990–1998   Portugal 33 (5)
Participou en
xuño de 1996	Eurocopa de Fútbol Inglaterra 1996

Jorge Paulo Cadete Santos Reis, nado en Pemba, Mozambique o 27 de agosto de 1968, foi un xogador de fútbol que xogaba na demarcación de dianteiro.

Traxectoria

Comezou a súa carreira futbolística na Associação Academica de Santarém na tempada 1983-1984 con 15 anos, marcando 43 goles en 18 encontros, conseguindo o Sporting de Lisboa fichalo entre moitos pretendentes.

En Lisboa debutou no primeiro equipo na tempada 1987-1988 xogando 6 partidos. Ao ano seguinte é cedido ao Vitória de Setúbal onde marca 10 goles, polo que volveu de contado ao Sporting, onde xogaría durante 6 tempadas ata o ano 1996, converténdose nun dos xogadores emblemáticos do equipo lisboeta, marcando 70 goles en máis de 180 encontros.

En abril de 1996, despois dunha longa negociación Cadete é traspasado ao Celtic de Glasgow, onde na única tempada completa en Escocia se convertería no máximo goleador da liga nacional, con 33 goles en 44 encontros, ningún de penalti. A causa da mala adaptación da súa familia a Escocia, pediría o traspaso a outro club, chegando así ao Celta de Vigo na tempada 1997-1998 polo pago de tres millóns e medio de libras.

Nesa primeira tempada en Vigo xogaría 29 encontros marcando 7 goles, pero a súa participación no equipo ao ano seguinte reduciriase a 7 partidos e un gol, polo que foi traspasado o ano seguinte ao Benfica portugués, xogando tamén no Bradford City, Estrela da Amadora, Partick Thistle, e Clube Desportivo Pinhalnovensee.

Foi 33 veces internacional coa Selección de Portugal, marcando 5 goles.

No ano 2002 participou no reality show Big Brother Portugal, na 1ª edición para personaxes famosos.

Véxase tamén

Ligazóns externas

• Datos do xogador en bdfutbol.com (en castelán)