Joaquín Varela Suanzes-Carpegna
| Biografía | |
|---|---|
| Nacemento | 7 de abril de 1954  Lugo, España |
| Morte | 1 de febreiro de 2018 (63 anos) Oviedo, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | escritor , historiador , profesor universitario |
| Empregador | Universidade de Barcelona |
| Lingua | Lingua castelá |
  | |
Joaquín Varela Suanzes-Carpegna, nado en Lugo o 7 de abril de 1954, e finado en Oviedo o 1 de febreiro de 2018[1], foi un escritor, xurista e historiador galego.
Traxectoria
[editar | editar a fonte]Licenciouse en Dereito na Universidade de Santiago de Compostela e comezou a traballar como profesor universitario na Universidade de Barcelona. En 1978 trasladouse á Universidade de Oviedo, onde traballou ata o seu falecemento e onde chegou a ter a cátedra de Dereito Constitucional.
A súa tese versou sobre a Constitución española de 1812. Os seus temas de investigación e docencia principal eran a historia do constitucionalismo, en particular en España, mais tamén do mundo anglosaxón[2]. Formou equipo de investigación cos tamén galegos Francisco Bastida e Ignacio de Otto.
Tras o seu falecemento, a súa biblioteca particular, de máis de tres mil volumes, foi doada á Facultade de Comercio, Turismo e Ciencias Sociais no Campus de Xixón da Universidade de Oviedo[3], na Laboral Ciudad de la Cultura, recibindo o nome de "Biblioteca de Historia Constitucional Joaquín Varela Suanzes-Carpegna" e sendo inaugurada o 31 de outubro de 2018[4].
Obra
[editar | editar a fonte]- La teoría del Estado en los orígenes del constitucionalismo hispánico. Las cortes de Cádiz (1983)
- Tradición y liberalismo en Martínez Marina (1983)
- Derecho constitucional: teoría de la Constitución, principios estructurales, órganos y funciones constitucionales, canda Francisco Bastida e Juan Luis Requejo (1992)
- Textos básicos de la historia constitucional comparada (1998)
- Sistema de gobierno y partidos políticos: de Locke a Park (2002)
- Álvaro Flórez Estrada (1766-1853) (2004)
- El Conde de Toreno (1786-1843): biografía de un liberal (2005)
- Propiedad e historia del derecho (2005)
- Asturianos en la política española (2006)
- Política y Constitución en España: (1808-1978) (2007)
- La Constitución de 1812 (2008)
- La Constitución de 1876 (2009)
- El constitucionalismo español en su contexto comparado (2010)
- Constituciones y leyes fundamentales (2012)
- La monarquía doceañista (1810-1837): avatares, encomios y denuestos de una extraña forma de gobierno (2013)
- Histoire constitutionnelle comparée et espagnole (Six études) (2013)
- Agustín Argüelles. Orígenes del liberalismo progresista (2013)
- La organización territorial del estado en España : del fracaso de la I República a la crisis del estado autonómico (1873-2013) (2013)
- Política y Constitución en España: 1808-1978 (2014).
- Algunas reflexiones metodológicas sobre la Historia Constitucional (2015)
Tamén editou os discursos parlamentarios do Conde de Toreno (2003), o ensaio Política y constitución, do autor do século XIX Jaime Balmes, e coeditou a obra completa de Ignacio de Otto.
Vida persoal
[editar | editar a fonte]Foi irmán do político e eurodeputado Daniel Varela.
Notas
[editar | editar a fonte]- ↑ "Fallece el catedrático Joaquín Varela Suanzes-Carpegna, máxima autoridad en historia constitucional". La Nueva España. 1-2-2018.
- ↑ "Fallece a los 63 años Joaquín Varela Suanzes-Carpegna, catedrático de Derecho Constitucional". El Comercio (en castelán). 1-2-2018.
- ↑ I. Peláez (27-10-2018). "La meca del constitucionalismo". La Nueva España (en castelán) (Oviedo). Consultado o 5-11-2018.
- ↑ J.M.C. (1-11-2018). "Joaquín Varela ya está en La Laboral". La Nueva España (en castelán) (Oviedo). Consultado o 5-11-2018.
