João Bernardo Vieira
| João Bernardo Vieira | |
|---|---|
 | |
| Nacemento | 27 de abril de 1939 |
| Lugar de nacemento | Bissau |
| Falecemento | 2 de marzo de 2009 |
| Lugar de falecemento | Bissau |
| Causa | ferida por arma de fogo e asasinato premeditado |
| Soterrado | Fortaleza de São José da Amura |
| Nacionalidade | Guinea-Bisau |
| Etnia | Papéis |
| Relixión | catolicismo |
| Ocupación | político |
| Premios | Orde de José Martí e Grande-Colar da Ordem Militar de Sant'Iago da Espada |
| [ editar datos en Wikidata ] | |
João Bernardo “Nino” Vieira, nado en Bissau o 27 de abril de 1939, e finado en Guinea-Bissau o 2 de marzo de 2009, foi un político de Guinea-Bissau, que ocupou tres veces a presidencia do seu país (a primeira vez entre 1973 e 1984, a segunda vez entre 1984 e 1999 e a terceira vez dende o 1 de outubro de 2005 até a súa morte en 2009. Tamén foi primeiro ministro do seu país entre 1978 e 1980.
Traxectoria[editar | editar a fonte]
Electricista de formación, Vieira estaba afiliado ó Partido Africano para a Independencia de Guinea e Cabo Verde (PAIGC), de Amílcar Cabral, en 1960 e converteuse rapidamente nun elemento clave da guerra de guerrillas do país contra o réxime portugués.
O 14 de novembro de 1980, Vieira derrocou ao goberno de Luís Cabral en Cabo Verde, levando ó poder ó Partido Africano pola Independencia de Guinea e Cabo Verde (PAIGC), partido de Vieira. A constitución foi suspendida e foi instalado un consello militar de nove membros (presidido polo mesmo Vieira).
En 1994 foron celebradas as eleccións presidenciais, nas que Vieira recibiu o 46,20% dos votos contra outros sete candidatos. Vieira quedou primeiro, pero non logrou a cantidade mínima para poder gañar as eleccións. A segunda volta celebrouse o 3 de agosto de devandito ano. Vieira gañou na segunda volta cun 52,02% dos votos contra os 47,98% de Kumba Ialá. Vieira xurou como primeiro presidente democrático de Guinea-Bissau o 29 de setembro de 1994.
O 7 de maio de 1999, Vieira foi derrocado. Buscou refuxio na embaixada portuguesa e logo exiliouse en Portugal.
O 7 de abril de 2005, Vieira volveu a Guinea-Bissau, case dous anos despois de que o presidente Kumba Ialá fose derrocado por militares.
En xuño de 2005 celebráronse eleccións. Vieira obtivo un 28,87% dos votos, detrás do seu opoñente, Malam Bacai Sanhá. Na segunda volta, Vieira gañou cun 52,35% dos votos e xurou como presidente o 1 de outubro de devandito ano.
O 28 de outubro de 2005, Vieira anunciou a disolución do goberno dirixido polo seu rival, o primeiro ministro Carlos Gomes Júnior, o 2 de novembro de devandito ano, nomeando como primeiro ministro a Aristides Gomes.
Na madrugada do 2 de marzo de 2009, ós seus 69 anos, o presidente Vieria foi asasinado nun ataque por parte das milicias do Partido Africano para a Independencia de Guinea e Cabo Verde. A milicia asegurou que Vieira estaba detrás do asasinato do seu líder, Batista Tagme Na Wai, xefe de Estado Maior das forzas armadas de Guinea-Bissau e opoñente de Vieira, asasinado o día anterior.[1]
