Jeanne Villepreux-Power

Jeanne Villepreux-Power
Nome completo	Jeanne Villepreux
Alcume	Jeannette Power
Nacemento	25 de setembro de 1794
Lugar de nacemento	Juillac
Falecemento	25 de xaneiro de 1871
Lugar de falecemento	Juillac
Nacionalidade	Francia
Ocupación	bióloga, zoóloga, bióloga mariña, naturalista e modista
[ editar datos en Wikidata ]

Marina Jeanne Villepreux-Power, nada en Juillac en 1794 e finada en 1871, foi unha bióloga francesa.

Traxectoria

Filla dun zapateiro, emigrou a París, onde chegou a ser unha brillante axudante de costureira e fíxose afamada pola creación do traxe de voda dunha princesa. Tras coñecer un rico comerciante e nobre inglés en Sicilia, James Power, casou en 1818 en Mesina, pasando a vivir en Sicilia durante 20 anos.

Converteuse en naturalista, a primeira (1832) que creou e usou acuarios para experimentacións no medio acuático, polo que é recoñecida como a nai da acuariofilia. De 1832 a 1842 foi a única muller na Academia Catania e membro correspondente da Sociedade Zoolóxica de Londres (máis outras 16 academias). Escribiu varios libros, publicando a Sociedade Histórica de Mesina Guida per la Sicilia, un brillante e erudito inventario da contorna da illa. Foi famosa en toda Europa polo seu traballo sobre a cuncha do argonauta. É mencionada nun libro francés de 1899, Les femmes dans la science, de Alphonse Rebiere.

O seu apelido, “Villepreux-Power”, lévao tamén un importante cráter de Venus.

Véxase tamén

Outros artigos

• A ciencia ten nome de muller (en Wikibooks)