International Numismata Orientalia

International Numismata Orientalia é unha serie editorial relativa á numismática de Oriente Medio e da Asia Meridional composta por contribucións de numismáticos especialistas, publicada pola editora londiniense Messrs Trübner & Co. a finais do século XIX.

Concepción

A creación da serie baseouse nunha preexistente, titulada Numismata Orientalia e producida polo orientalista William Marsden na primeira parte do século XIX, coa que se iniciaran os estudos e as investigacións acerca da moeda oriental e de toda Asia.

Nun principio, a nova serie estaba concibida para ser unha reedición da Numismata Orientalia de Marsden, mais finalmente transcendeu este propósito e a partir da parte 2 foi rebautizada como International Numismata Orientalia.

Composición

A planificación da serie quedou definida por Edward Thomas no limiar da Parte 1:

• Parte 1: Edward Thomas (1974). Ancient Indian Weights.
• Parte 2: Stanley Lane-Poole (1875). Coins of the Urtuki Turkumans.
• Parte 3: Barclay V. Head (1877). The Coinage of Lydia and Persia.
• Parte 4: E. T. Rogers (1877). The Coins of the Tuluni Dynasty.
• Parte 5: Percy Gardner (1877). The Parthian Coinage.
• Parte 6: T. W. Rhys Davids (1877). On the Ancient Coins and Measures of Ceylon.
• Parte 7: Frederic W. Madden (1881). Coins of the Jews.
• Parte 8: Arthur Phayre (1882). Coins of Arakan, of Pegu, and of Burma.
• Parte 9: Walter Elliot (1886). Coins of Southern India.