Illa de Iwo To

Na Galipedia, a Wikipedia en galego.
Saltar ata a navegación Saltar á busca
Iwō tō
硫黄島
Iwo-to landsat1999.jpg
Iwo jima location mapSagredo.png
Localización de Iwo To
Situación
País Xapón
prefectura Toquio
Arquipélago Illas Ogasawara
Mar Océano Pacífico
Coordenadas 24°47′N 141°19′L / 24.783, -141.317Coordenadas: 24°47′N 141°19′L / 24.783, -141.317
Xeografía
Superficie 21 km² km²
Longura máxima 7,2 km
Largura máxima 4 km
Punto máis alto 166 m. Monte Suribachi
Distancia a terra 104 quilómetros

Iwō tō (en xaponés 硫黄島 Iō-tō, «illa do xofre»), chamada ata xuño de 2007 Iwo Jima, é unha illa xaponesa de orixe volcánico, que forma parte das Illas Ogasawara. Está situada 104 quilómetros ao sur da costa de Tokio, de 7,2 km de lonxitude por 4 quilómetros de ancho, e 21 km². Nela atópase o volcán Suribachi.

Administrativamente está pertencente ó concello de Ogasawara (小笠原村) na subprefectura de Ogasawara (小笠原支庁) da prefectura de Toquio no Xapón. Actualmente na illa están bases da Forza Marítima de Autodefensa do Xapón e da Forza Aérea de Autodefensa do Xapón.

Historia[editar | editar a fonte]

A illa foi descuberta en 1543 por Bernardo de la Torre a bordo da nave San Juan de Letrán. Cara a 1887, Xapón fai unha viaxe de investigación e non é até 1889 cando chegan os primeiros habitantes a ocupala, formalmente uníndoa á prefectura de Toquio en 1891. Para 1943 xa existían cerca de 1.100 civís xaponeses establecidos na illa. A maioría deles eran tamén empregados da cana de azucre localizada na parte nordeste da illa, ou da mina de sulfuro e refinería localizada na mesma área. Os habitantes de Iwo Jima vivían nun dos cinco establecementos, distribuídos na metade norte da illa. O establecemento que se encontraba máis ao norte era Kita (literalmente "Norte"), localizado na parte norte central de Iwo. A aldea de Nishi ("Oeste") estaba situada na parte noroeste da illa, mentres que Motoyama, a área urbanizada máis grande en Iwo, estaba situada cerca das proximidades da mina e refinería de sulfuro. As dúas aldeas restantes, Higashi ("Leste") e Minami ("Sur"), estaban achantadas na parte nordeste da illa.

Na Segunda Guerra Mundial foi o escenario dunha das batallas mais sanguentas da guerra entre febreiro e marzo de 1945, a chamada Batalla de Iwo Jima, ao existir nela dous aeródromos que foron un importante obxectivo para o exercito estadounidense na guerra contra o Xapón. En xuño de 2007 os seus habitantes decidiron recuperar o nome tradicional da illa, Iwo To, que ten o mesmo significado ca Iwo Jima.[1]

Vídeo da colocación da bandeira.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]