Igrexa de San Mamede do Castro
| Igrexa de San Mamede do Castro | |
|---|---|
 Igrexa do Castro. | |
| País | España |
| Advocación | San Mamede |
| Localización | O Castro (Silleda) |
| Coordenadas | 42°43′12″N 8°14′51″O / 42.72, -8.2475 |
| Culto | |
| Diocese | Lugo |
| [ editar datos en Wikidata ] | |
A igrexa de San Mamede do Castro é a igrexa parroquial do Castro, no concello de Silleda. De primitiva fábrica románica, foi trasladada desde unha das abas da Copa do Castro á súa situación actual tralo asasinato do párroco. Nese lugar atópase agora o cruceiro.
Descrición
[editar | editar a fonte]Doada ao mosteiro de Carboeiro no século XII, a igrexa consta dunha soa nave e ábsida rectangulares. Na fachada presenta unha fiestra e unha portada de arco semicircular, con dous pares de columnas. Complétase a fachada cunha espadana con dous ocos, onde se sitúan as campás, e outro sobre dos primeiros, rematada con pináculos.
A ábsida apóiase sobre unha bóveda de canón con arco de medio punto, sobre columnas de capiteis con figuras zoomórficas. No muro do adro poden verse elementos decorativos desta igrexa románica e interesantes canzorros.
Galería de imaxes
[editar | editar a fonte]-
Portada. -
Porta setentrional. -
Canzorros.
Véxase tamén
[editar | editar a fonte]Ligazóns externas
[editar | editar a fonte]- Igrexa de San Mamede do Castro na páxina web colaborativa Patrimonio Galego.