Ifixenia de Etiopía
 Imaxe na catedral de Tui. | |
| Biografía | |
|---|---|
| Nacemento | Século I Etiopía |
| Morte | Século I Etiopía |
| Datos persoais | |
| Relixión | Cristianismo |
| Actividade | |
| Ocupación | monxa cristiá  |
| Enaltecemento | |
| Día de festividade relixiosa | 21 de setembro |
Ifixenia de Etiopía[1] é unha santa da Igrexa copta e da Igrexa católica. Foi unha das responsables do espallamento do cristianismo en Etiopía. A súa festividade é o 21 de setembro.
Traxectoria[editar | editar a fonte]
Ifixenia era filla do rei etíope Egipo a principios do século I. Tiña un irmán maior, chamado Efronio.[2] Aos oito anos da Ascensión de Xesús, chegou San Mateu á terra dos nubios, ou sexa, Etiopía. Alí buscou a aquel eunuco etíope bautizado polo diácono San Filipe, que xa regresara á súa terra e esperaba apóstolos de Cristo. Este eunuco introduciu na corte a Mateu. Mateu predicou, derrotou aos magos pagáns Arfaxad e Zoroes, expulsou demos e converteu as xentes. Decatado o rei, tomou partido neutral, permitiu a predicación do cristianismo, pero continuou preferindo a relixión anterior. Con todo, Ifixenia abrazou rotundamente o cristianismo, e buscou a maneira de facelo vir ao palacio para que instruíse o seu pai. Como non o lograba, enfermou de tristura.
Foi dedicada a Deus por San Mateu. Cando Hirtaco sucedeu o rei, prometeulle ao apóstolo a metade do seu reino se persuadía a Ifixenia a casar con el. Mateu convidou o rei a unha misa onde lle explicou que Ifixenia xa estaba consagrada ao Señor. Enfurecido, Hirtaco mandou os seus homes matar a Mateu ao pé do altar, converténdose en mártir da fe cristiá.
Unha lenda conta que ao non inclinar a Ifixenia ao seu desexo, Hirtaco tratou de destruír o seu fogar con lume. Con todo, o apóstolo apareceu e protexeu a casa das chamas, dirixíndoas cara ao palacio real. O fillo do rei foi tomado por diaño e o rei mesmo contraeu lepra, eventualmente matándoo. A xente entón escolleu o irmán de Ifixenia como o seu rei, quen reinou por 70 anos, deixando o seu reino ao seu fillo que construíu varias igrexas cristiás en Etiopía.[3]
Culto[editar | editar a fonte]
Cóntanse 76 imaxes desta santa entre Portugal, España e as súas excolonias.[4] En Galicia, soamente se atopa na catedral de Tui e no convento de San Domingos de Betanzos.[4]
Notas[editar | editar a fonte]
- ↑ "Guía de nomes galegos". Real Academia Galega. Consultado o 2023-12-01.
- ↑ The Golden Legend of Jacobus de Voragine, trans. and adapted by Ryan, Granger and Helmut Ripperger. (Arno Press: Longmans, Green & Co) 1941. pp. 561-566.
- ↑ "St Matthew the Apostle from The Golden Legend". Arquivado dende o orixinal o 18 de noviembre de 2012. Consultado o 17 de octubre de 2009.
- ↑ 4,0 4,1 Castañeda García, Rafael; Vincent, Bernard (2021-10-02). "Las representaciones de santa Ifigenia en las monarquías ibéricas, siglos XVII-XVIII". Atlante. Revue d'études romanes (en castelán) (15). ISSN 2426-394X. doi:10.4000/atlante.8669.