IES Afonso X O Sabio

Na Galipedia, a Wikipedia en galego.
Saltar ata a navegación Saltar á procura

Falta algunha imaxe que ilustre o artigo
 Este artigo non contén imaxes. Pode axudar cargando imaxes, na Galipedia ou na Wikimedia Commons, relacionadas co contido do artigo, ou incluíndo unha xa existente.
 Debe ter en conta as políticas de uso de imaxes e o respecto polos dereitos de autoría.

Coordenadas: 43°18′05″N 8°21′23″O / 43.3013634, -8.3563269

IES Afonso X O Sabio
Enderezo
Datas
Creación1998-1999
Inauguración1999-2000
Reformas2006
Educación
EnsinanzasEducación Secundaria Obrigatoria, Bacharelato, Formación profesional
Alumnos800
Xestión
Tipopúblico
Na rede
Web

O Instituto de Educación Secundaria Afonso X O Sabio é un centro público de ensino secundario na vila de Cambre. Foi creado no curso 1998-99, e desde o curso seguinte xa conta con instalacións de seu, ampliadas en 2006.

Características[editar | editar a fonte]

No IES impártense clases da Educación Secundaria Obrigatoria, Bacharelato, Ciclos Formativos da familia profesional de Administración e Xestión e FP Básica. A súa misión é a da formación de persoas nos ámbitos educativo, académico, profesional e cultural, nun clima de convivencia e respecto mutuo, que atenda á diversidade de capacidades e expectativas. Actualmente[cando?] o centro conta cuns 800 estudantes.

Durante anos, o centro fixo un impulso forte para mellorar as instalacións, así como a súa biblioteca. Pero en liñas xerais este instituto destaca polo seu forte compromiso co desenvolvemento de proxectos de centro: proxectos de innovación educativa, convivencia, artes, deportes, seccións bilingües e novas tecnoloxías (e-Dixgal e Abalar), entre outros.

Premios e proxectos[editar | editar a fonte]

No ano 2013, o centro recibe o 1º premio ás boas prácticas de innovación educativa[1] co proxecto "Un modelo de convivencia", no que se resumen as prácticas de convivencia realizadas no centro desde 10 anos antes, que se seguen a desenvolver actualmente,[cando?] contando cun programa de mediación entre iguais, alumnado axudante, aula de reflexión e aula de convivencia.

O centro tamén é coñecido polo desenvolvemento de proxectos internacionais, sendo un centro pioneiro neste tipo de programas cos que están realizando programas de intercambio subvencionados]</ref> polo SEPIE (Axencia Nacional en España da Comisión Europea).[2] A partir do curso 2016-17, os programas europeos ampliáronse á FP, permitindo que alumnado de Ciclo Medio realizase as súas prácticas profesionais en Italia.[3] Esta actividade está sufragada na súa totalidade por medio dos programas KA1.

Desde o curso escolar 2012-2013 desenvólvense no centro diversos Plans de Formación en Centros para o profesorado pertencente ao claustro. As temáticas desenvolvidas inténtanse relacionar directamente cos proxectos de centro, así pois téñense realizado actividades formativas en novas tecnoloxías, desenvolvemento de proxectos internacionais e mellora da convivencia.

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]