Hernán Poza Juncal

Na Galipedia, a Wikipedia en galego.
Saltar ata a navegación Saltar á procura
Hernán Poza Juncal
Hernán Poza Juncal 1933.jpg
Retrato en Vida Gallega, 1933.
AlcumeXan Calqueira
Nacemento6 de xuño de 1903
Lugar de nacementoPontevedra
Falecementofebreiro de 1967
Lugar de falecementoNova York
NacionalidadeEspaña
Ocupaciónmestre, pedagogo e xornalista
PaiJoaquín Poza Cobas
IrmánsJoaquín Poza Juncal e Laureano Poza Juncal
editar datos en Wikidata ]

Hernán Poza Juncal, nado en Pontevedra o 6 de xuño de 1903 e finado en Nova York en febreiro de 1967, foi un mestre e pedagogo galego.

Traxectoria[editar | editar a fonte]

Fillo de Joaquín Poza Cobas, dirixente republicano de Pontevedra, foi membro activo da Federación Universitaria Española e escribiu na revista compostelá Universitarios. Traballou nos centros laicos "Escuela Moderna" e "Escuela Nueva" de Pontevedra. Entre 1924 e 1929 dirixiu en Lalín a Escuela-Hospital-Asilo creada polos emigrados da Sociedad Hijos del Partido de Lalín. Socio do Centro Republicano de Pontevedra, foi profesor da Escola Normal de Mestres de Barcelona e director da Escola de Maxisterio pontevedresa.

Co golpe de Estado do 18 de xullo de 1936 foi detido e ingresou en prisión, de onde conseguiu saír por mediación de amizades. Marcha a Portugal e dende aí a Estados Unidos onde se exiliou. En USA dedicouse a ensinar español na Eastman School of Languages and Business (1940), e despois foi director do Poza Institute of Languages and Business (1941). En 1938 foi xefe de redacción do diario La Voz de Nova York e entre 1938 e 1943 foi comentarista de radio. Dende 1943 foi profesor do Brooklyn College en Nova York.

Publicou o libro Pratical Handbook of Commercial Correspondence in Spanish and English (Manual práctico de correspondencia comercial en español e inglés). Escribía baixo o pseudónimo Xan Calqueira.

Vida persoal[editar | editar a fonte]

Casou con Carmen Fernández García en 1927.

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]