Heremigario
| Biografía | |
|---|---|
| Nacemento | 400  |
| Morte | 429 (28/29 anos) Mérida, España |
| Causa da morte | morte en combate, afogamento |
| Rei dos suevos | |
| Rei | |
| | |
| Actividade | |
| Ocupación | militar |
| Outro | |
| Título | Rei dos suevos Rei |
| Descrito pola fonte | Paulys Realenzyklopädie der klassischen Altertumswissenschaft |
Heremigario (en latín: Hermigarius ou Heremigarius), finado en Mérida no 429, foi un xefe militar suevo do século V que aparece citado na Crónica de Hidacio dirixindo unha expedición sueva cara a Lusitania a comezos do ano 429 e ao que se enfrontou o rei dos vándalos Xenserico inmediatamente antes de marchar co seu pobo para África. O enfrontamento produciuse nas ribeiras do Guadiana nas proximidades de Mérida e acabou coa morte do suevo, que afogou no río.[1][2]
O historiador alemán Felix Dahn na súa monumental Die Könige der Germanen apuntou a posibilidade que fora familiar e mesmo sucesor de Hermerico, esta hipótese compártea Casimiro Torres en Galicia Sueva sinalando a posibilidade que fora pai de Recimiro. Pero o certo é que non hai constancia documental que indique que fora realmente rei dos suevos[3] e hai autores como Pampliega que sinala que estaría baixo a autoridade de Hermerico.[4]
Tamén foi relacionado con Ermengon, que está enterrada nunha tumba ariana na basílica de Hippo Regius, a capital dos vándalos. Ela era, posiblemente, unha sueva que formaba parte da aristocracia vándala, e quizais parente de Heremigario.
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Pampliega, Javier (1998). Los germanos en España. Pamplona: Eunsa. ISBN 9788431316426.
- Sayas Abengoechea, Juan José (2004). Historia antigua de la península ibérica. Madrid: UNED. ISBN 9788436249088.
- Schwarcz, Andreas (2004). "The Settlement of the Vandals in North Africa.". En Merrills, A.H. Vandals, Romans and Berbers: New Perspectives on Late Antique North Africa (ebook) (en inglés). Nova York: Ashgate Publishing. ISBN 0754641457.
- Thompson, E. A. (1982). Romans and Barbarians: The Decline of the Western Empire. Madison: University of Wisconsin Press. ISBN 0-299-08700-X.
