Hendrick Avercamp

Hendrick Avercamp
Nacemento	27 de xaneiro de 1585
Lugar de nacemento	Ámsterdam
Falecemento	15 de maio de 1634
Lugar de falecemento	Kampen (Países Baixos)
Nacionalidade	Países Baixos
Ocupación	pintor
Coñecido por	Ice Scene, Frolicking on a frozen canal in a town e Paisagem de inverno com patinadores
Na rede
[ editar datos en Wikidata ]

Paisaxe invernal con xogos no xeo, 1608. Óleo sobre táboa, 29,4 X 46,4 cm. Kunsthistorisches Museum, Viena.

Hendrick Avercamp, nado en Ámsterdan o 27 de xaneiro de 1585 e finado en Kampen o 15 de maio de 1634, foi un pintor neerlandés, especializado en pintura paisaxística de tema invernal.

Traxectoria

Era xordo e coñecido como “o mudo de Kampen". Estudou na súa cidade natal co pintor Pieter Hendrick (1569-1625). Foi un dos primeiros pintores paisaxísticos da escola holandesa do século XVII, especializándose nas paisaxes invernais do seu país. As obras de Avercamp están cheas de colorido e vivacidade, cunha atenta colocación das personaxes na escena.

O traballo de Avercamp gozou de gran popularidade e vendendo moitas das súas obras, en boa parte realizadas á acuarela. A mesma raíña Isabel II de Inglaterra tivo unha excepcional colección das súas pinturas no castelo de Windsor.

Continuadores

As pinturas de paisaxes invernais de Hendrick Avercamp tiveron continuadores como Jan van Goyen, Aart van der Neer, Antonie van Stralen e Jan van de Capelle.

Obra (selección)

• Paisaxe de Inverno, Rijksmuseum, Ámsterdan
• O Inverno, Mauritshuis, A Haia
• Escena na neve, "Rijksmuseum Kröller-Müller", Otterlo
• Escena invernal, "Museum Boymans-van Beuningen", Rotterdam
• Paisaxe de inverno, "Kunsthistorisches museum", Viena
• Escena invernal en Yselmuiden, "Musée d'art et d'histoire", Xenebra
• Escena sobre o xeo cerca dunha cidade, "National Gallery", Londres
• Paisaxe de inverno con personaxes, "National Gallery of Scotland", Edimburgo
• Escena sobre o xeo, "National Gallery of Ireland", Dublín