Heinrich Georg Bronn

Heinrich Georg Bronn

Biografía
Nacemento	3 de marzo de 1800 Ziegelhausen
Morte	5 de xullo de 1862 (62 anos) Heidelberg
Educación	Universidade de Heidelberg
Actividade
Campo de traballo	Zooloxía e paleontoloxía
Lugar de traballo	Heidelberg
Ocupación	botánico, xeólogo, zoólogo, profesor universitario, paleontólogo, naturalista
Empregador	Universidade de Heidelberg
Membro de	Leopoldina Academia de Ciencias de Rusia Academia de Ciencias de Baviera Academia das Ciencias de San Petersburgo Academia Prusiana das Ciencias
Obra
Abreviación dun autor en botánica	Bronn
Arquivos en	Q117450786
Premios
(1861)  Medalla Wollaston
Descrito pola fonte	Allgemeine Deutsche Biographie Heidelberger Gelehrtenlexikon 1803–1932, (p.31-32) Dicionario Enciclopédico Brockhaus e Efron

Heinrich Georg Bronn, nado en Ziegelhausen, preto de Heidelberg, o 3 de marzo de 1800 e finado en Heidelberg o 5 de xullo de 1862, foi un médico, xeólogo, paleontólogo e naturalista alemán.

Traxectoria

Estudou na Universidade de Heidelberg, dutorándose en medicina en 1821. Ao ano seguinte foi nomeado profesor de Historia natural. A partir de entón dedicouse ao estudo da paleontoloxía e ao traballo de campo en varios lugares de Alemaña, Italia e Francia.

Entre 1830 e 1862 colaborou na edición do Jahrbuch für Mineralogie, continuado como Neues Jahrbuch. A súa obra principal, Letkaea Geognostica (2 vol., Stuttgart, 1834-1838; 3ª ed. con F. Romer, 3 vol., 1851-1856), considérase unha das fundadoras da estratigrafía alemá.

No seu Handbuch einer Geschichte der Natur, cuxa primeira parte apareceu en 1841, daba conta da historia física da Terra; a segunda parte trataba da historia orgánica, considerando as especies como actos directos da creación; a terceira incluía o Index Palaeontologicus, que apareceu en 3 volumes (1848-1849) coa colaboración de Hermann von Meyer e H. R. Göppert.

Bronn comezou tamén un importante traballo sobre zooloxía actual e fósil (Die Klassen und Ordnungen des Thier-Reichs) que foi continuado por outros naturalistas. Bronn escribiu os volumes dedicados aos Amorphozoa, os Actinozoa e os Malacozoa (1859-1862).

En 1861 foi galardoado coa medalla Wollaston pola Geological Society of London (Sociedade Xeológica de Londres).

Honores

Epónimos

• Xénero Bronnia Kunth da familia das Fouquieriaceae, sinónimo de Frouquieria.

Abreviaturas

• A abreviatura Bronn emprégase para indicar a Heinrich Georg Bronn como autoridade na descrición e taxonomía en zooloxía.
• A abreviatura Bronn emprégase para indicar a Heinrich Georg Bronn como autoridade na descrición e taxonomía en botánica

Véxase tamén

Bibliografía

• Heinrich Georg Bronn (1800-1862) na Encyclopedia Britannica.

Ligazóns externas

• Junker T. (1991): "Heinrich Georg Bronn and Origin of Species" (Resume) Sudhoffs Arch. 75 (2): 180-208.