Hamaca paraguaya

Hamaca paraguaya
Título Hamaca paraguaya
Instancia de filme
Xénero cinema dramático
Lingua orixinal lingua guaraní
Cor en cor
Autoría
Director/a Paz Encina
Compositor/a Oscar Cardozo Ocampo (en)
Guionista Paz Encina
Director/a fotografía Willi Behnisch (en)
Editor/a de cine Miguel Schverdfinger
Datas
Data de publicación 2006
Dimensión
Duración 78 min
Localización
Lugar de rodaxe Paraguai  País de orixe Paraguai Alemaña
Identificadores
Freebase /m/09k6vxm
Fontes e ligazóns
Descrito pola fonte Women Make Film Redes
Wikidata

Hamaca paraguaya é un filme paraguaio dramático de 2006 escrito e dirixido por Paz Encina. Gañou o Premio Fipresci na sección Un certain regard do Festival de Cannes de 2006. Esta coproducida por Paraguai, xunto con Francia, os Países Baixos, Austria, Alemaña, a Arxentina, e foi rodada integramente en Paraguai. Completamente falada en guaraní, o filme transcorre durante as últimas horas da guerra do Chaco, que se librou entre Paraguai e Bolivia. Foi estreado o 2 de novembro de 2006.

Sinopse

A historia, contada cinematograficamente cuns poucos planos fixos e con diálogos en off, desenvólvese durante un único día, o 14 de xuño de 1935. O lugar, unha paraxe selvática illada en terras paraguaias. Os protagonistas: Cándida e Ramón, un matrimonio ancián de campesiños. O seu fillo, Maximiliano Ramón Caballero, marchou para combater na guerra do Chaco, e ambos os pais esperan o seu regreso. O pai faino con optimismo, confiando en que volverá ver o seu fillo con vida; a nai, porén, vese embargada polos máis funestos presentimentos.

Ámbolos dous agardan baixo un ceo encapotado que non acaba de romper en choiva, entre unha calor e o molesto ladrar da cadela que o seu fillo lles deixou para que coidasen durante a súa ausencia. Finalmente, un carteiro chega coa resposta esperada referente ó fillo.

Personaxes

• Georgina Genes como Cándida
• Ramón del Río como Ramón
• Jorge López como voz do fillo
• Benjamín Blanco como voz do emisario
• Domiciano Figueredo como voz do veterinario

Véxase tamén

Ligazóns externas

• Hamaca paraguaya na IMDb (en inglés).